លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញ ជាអធិបតី ក្នុងកិច្ចប្រជុំពិភាក្សាបញ្ហាប្រឈមពាក់ព័ន្ធ ការគ្រប់គ្រងទឹក និង ការ ការពារ បរិស្ថាន នៅខេត្ត កោះកុង ជាមួយអង្គការអភិវឌ្ឍន៍ឧស្សាហកម្ម នៃអង្គការសហប្រជាជាតិ។
លោកជំទាវអភិបាលខេត្ត សូមថ្លែងអំណរគុណ នាថ្ងៃសុក្រ ៦ រោច ខែពិសាខ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី២៤ ខែឧសភា ឆ្នាំ២០១៩ចំពោះអង្គការអភិវឌ្ឍន៍ឧស្សាហកម្ម នៃអង្គការសហប្រជាជាតិ ដែលបានយកចិត្តទុកដាក់ខ្ពស់ លើការគ្រប់គ្រងទឹក និងកិច្ចការពារបរិស្ថាន សម្រាប់ខេត្តកោះកុង ជាមួយនឹងមន្ទីរជំនាញ អាជ្ញាធរពាក់ព័ន្ធ ដែលបានយកចិត្តទុកដាក់បំពេញតួនាទី ភារកិច្ច ស្របតាមជំនាញ ក្នុងការគ្រប់គ្រងទឹក និងបរិស្ថាន ទន្ទឹមនេះសូមអោយមន្ទីរជំនាញលើកយកបញ្ហាប្រឈមពាក់ព័ន្ធនានា ដើម្បីស្វែងរកដំណោះស្រាយជួយទប់ស្កាត់ និងកាត់បន្ថយនូវបញ្ហាអោយបានទាន់ពេលវេលា និងមានប្រសិទ្ធភាពខ្ពស់បំផុត សម្រាប់ជាប្រយោជន៍ជាតិ និងប្រជាជន៕ មុនីរម្យ
ប្រភព៖ រដ្ឋបាលខេត្តកោះកុង
