ឯកឧត្តម ជាវ តាយ អភិបាល នៃគណៈអភិបាលខេត្តកំពត បានដឹកនាំ សមាជិកក្រុមប្រឹក្សាខេត្ត អភិបាលរងខេត្ត នាយករដ្ឋបាលខេត្ត ប្រធានមន្ទីរ អង្គភាពជុំវិញខេត្ត ចូលរួមការសំណេះសំណាលជាមួយ សិស្សានុសិស្ស និងពិនិត្យទីតាំងសាងសង់អគារសិក្សា ដែលជាអំណោយរបស់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន តាមរយៈ ឯកឧត្តមបណ្ឌិត ប៉ែន ស៊ីម៉ន និងលោកជំទាវ ងីស៊ុន សូភាព ក្រោមអធិបតីភាព ឯកឧត្តមបណ្ឌិត ប៉ែន ស៊ីម៉ន តំណាងរាស្ត្រមណ្ឌលកំពត និងជាប្រធានគណៈកម្មការទី១០ នៃរដ្ឋសភា នាព្រឹកថ្ងៃចន្ទ ២រោច ខែពិសាខ ឆ្នាំកុរ ព.ស ២៥៦៣ ត្រូវនឹងថ្ងៃទី ២០ ខែ ឧសភា ឆ្នាំ២០១៩។
ក្នុងនោះរួមមាន៖ ១.សាលាអនុវិទ្យាល័យក្រាំងលាវ នៅឃុំអង្គរមាស ស្រុកដងទង់ មានចំនួន ០១ខ្នង មាន០៦បន្ទប់។, ២.សាលាវិទ្យាល័យប៊ុនរ៉ានីហ៊ុនសែនដងទង់ ស្ថិតនៅដងទង់ ស្រុកដងទង់ មានចំនួន ០១ខ្នង ០២ជាន់ស្មើនឹង១០បន្ទប់៕ រតនា
ប្រភព៖ រដ្ឋបាលខេត្តកំពត
