រដ្ឋបាលខេត្តកំពត បានប្រារព្ធពិធីទិវាជាតិនៃការចងចាំ ២០ឧសភា នៅវត្តជុំគ្រៀល ស្ថិតនៅឃុំជុំគ្រៀល ស្រុកទឹកឈូ ខេត្តកំពត ក្រោមអធិបតីភាព ឯកឧត្តម អ៉ឹង ម៉េងហួរ ប្រធានក្រុមប្រឹក្សាខេត្ត នាព្រឹកថ្ងៃចន្ទ ២រោច ខែពិសាខ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២០ ខែឧសភា ឆ្នាំ២០១៩។
បានអញ្ជើញចូលរួមក្នុងពិធីនេះរួមមាន លោក លោកស្រី សមាជិកក្រុមប្រឹក្សាខេត្ត អភិបាលរងខេត្ត លោក លោកស្រី ប្រធាន អនុប្រធានមន្ទីរ អង្គភាព ជុំវិញខេត្ត អភិបាលក្រុង ស្រុក ឃុំ សង្កាត់ លោកគ្រូ អ្នកគ្រូ សិស្សានិសិស្ស ប្រជាពលរដ្ឋសរុប១២០០នាក់។
សូមរំលឹកថា ថ្ងៃ២០ឧសភា គឺជាថ្ងៃមួយប្រកបដោយការចងចាំជានិច្ច ដែលប្រជាពលរដ្ឋរងទុក្ខវេទនា ដោយសាររបបដ៌ខ្មៅងងឹតរបស់បន ប៉ុលពត បានកាប់សម្លាប់ប្រជាជន រាប់លាននាក់។ តែដោយយើង មានភព្វសំណាងបុណ្យកុសល ផល្លានិសង្ឃ អំពីរណសិរ្យសាមគ្គីសង្រ្គោះជាតិ មាតុភូមិបច្ចុប្បន្ន បានធ្វើការបូជា សាច់ស្រស់ ឈាមស្រស់ ក្នុងការរំដោះប្រទេសជាតិ និងប្រជាជនកម្ពុជា ឲ្យរួចផុតអំពីរបបប្រល័យពូជសាសន៍ ប៉ុល ពត (៣ឆ្នាំ ៨ខែ ២០ថ្ងៃ)៕ រតនា
ប្រភព៖ រដ្ឋបាលខេត្តកំពត
