រដ្ឋបាលខេត្តកំពង់ស្ពឺ បានរៀបចំពិធីសម្ពោធដាក់ឱ្យប្រើប្រាស់ជាផ្លូវការ នូវរុក្ខវិថី លោកជំទាវឧកញ៉ាបណ្ឌិត សៀង ចាន់ហេង និងធ្វើពិធីសែនក្រុងពលី បើកការដ្ឋានសាងសង់ស្ពានអាកាសថ្មើជើងឆ្លងកាត់ផ្លូវ ជាតិលេខ៤ នៅទីរួមខេត្តកំពង់ស្ពឺ ក្រោមអធិបតីភាព ឯកឧត្តម វ៉ី សំណាង អភិបាល នៃគណ:អភិបាលខេត្តកំពង់ស្ពឺ និងលោកជំទាវឧកញ៉ាបណ្ឌិត សៀង ចាន់ហេង អគ្គនាយិកាក្រុមហ៊ុនហេងអភិវឌ្ឍន៍ នាព្រឹកថ្ងៃចន្ទ ២រោច ខែពិសាខ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២០ ខែឧសភា ឆ្នាំ២០១៩។
ស្ពាននេះ នឹងត្រូវសាងសង់ត្រង់ចំណុច បេនឡានផ្សារកំពង់ស្ពឺ ដោយមានប្រវែង៣០ម៉ែត្រ កម្ពស់៥,២ម៉ែត្រ ទទឹង៣ម៉ែត្រ ធ្វើពីបេតុងអាមេ ក្រោមជំនួយឧបត្ថម្ភ ពីលោក ជំទាវ បណ្ឌិត សៀង ចាន់ ហេង អគ្គនាយកក្រុមហ៊ុន ហេង អភិវឌ្ឍន៍ ក្នុងតម្លៃសាងសង់ ៣៤ម៉ឺនដុល្លារអាមេរិក ហើយចំណាយពេលសាងសង់ជិតមួយឆ្នាំ៕ រតនា
ប្រភព៖ រដ្ឋបាលខេត្តកំពង់ស្ពឺ
