https://www.interior.gov.kh/report/detail/2496
នៅរសៀល ថ្ងៃសៅរ៍ ១៥កើត ខែពិសាខ ឆ្នាំកុរ ព.ស ២៥៦២ ឯកឧត្តម ជាវ តាយ អភិបាលនៃគណៈអភិបាលខេត្តកំពត បានចូលរួមដង្ហែរក្បួនក្នុងពិធីបុណ្យវិសាខបូជា ដែលជាបុណ្យព្រះពុទ្ធសាសនាធំជាងគេនៅលើពិភពលោក ដោយមានការអញ្ជើញចូលរួមពីឯកឧត្តម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត ប្រធានមន្ទីរអង្គភាពជុំវិញខេត្ត បងប្អូនប្រជាពលរដ្ឋពុទ្ធសានិកជន យាយជី តាជី សរុបប្រមាណ ៤០០ នាក់ ។
ឯកឧត្តមអភិបាលខេត្ត និងលោកជំទាវ មន្ត្រីរាជការ និងប្រជាពលរដ្ឋ ពុទ្ធសាសនិកជន បាន ឧបត្ថម្ភថវិកាសរុប ១៥លានរៀល ចំពោះការរៀបចំពិធិបុណ្យវិសាខបូជានេះ។ ឯកឧត្តមអភិបាលខេត្ត ក៏បានឧបត្ថម្ភថវិកាចំនួន៦,៩២០,០០០រៀល ដល់ យាយជី តាជីចំនួន២៥៥នាក់ ដោយម្នាក់ទទួលបាន ២ម៉ឺនរៀល និងកងកម្លាំងចំនួន៦១នាក់ ដោយម្នាក់ទទួលបាន ៣ម៉ឺនរៀល ៕ មុនីរម្យ
ប្រភព៖ រដ្ឋបាលខេត្តកំពត
ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។