នាថ្ងៃព្រហស្បតិ៍  ៦កើត ខែពិសាខ ឆ្នាំកុរ  ឯកស័ក  ព.ស២៥៦២  ត្រូវនឹងថ្ងៃទី ០៩  ខែឧសភា  ឆ្នាំ ២០១៩  នៅបន្ទប់ប្រជុំលេខ០១  រដ្ឋបាលខេត្តសៀមរាប  មានបើកកិច្ចប្រជុំត្រួតពិនិត្យការងារស្ថិតិនិងអត្រានុកូលដ្ឋាន  ការងារផ្តល់សៀវភៅស្នាក់នៅ  សៀវភៅ គ្រួសារ  ការងារអត្តសញ្ញាណប័ណ្ណ  ការងារអន្តោប្រវេសន្ត  ដឹកនាំដោយ  លោកស្រី  យូ  សុភា  អភិបាលរង  នៃគណៈអភិបាលខេត្ត  និងជាតំណាងដ៏ខ្ពង់ខ្ពស់  ឯកឧត្តម  ទៀ  សីហា  អភិបាល  នៃគណៈអភិបាលខេត្ត សៀមរាប  និងមានការចូលរួមពី  នាយករង រដ្ឋបាល  នាយកទីចាត់ការរដ្ឋបាល  ស្នងការរង  អធិការក្រុង -ស្រុក  ទទួល ផែន ការងារស្ថិតិ  និងអត្រានុកូលដ្ឋាន  មន្ទីរ ផែន ការខេត្ត  មន្ទីរ ការងារ  និងបណ្តុះបណ្ដាលវិជ្ជាជីវៈ ខេត្ត  លោក   លោកស្រីអភិបាល  អភិបាលរង  ក្រុង  ស្រុក មន្ត្រី ការិយាល័យ ស្ថិតិ  និងអត្រានុកូលដ្ឋាន ខេត្ត  សរុបចំនួន  ៣៨នាក់។ 

      កិច្ចប្រជុំនេះ ផ្តោតលើការងារមួយចំនួនដូចខាងក្រោម៖
១-ការចុះធ្វើបច្ចុប្បន្នភាព  និងគ្រប់គ្រងការងារស្ថិតិ  និងអត្រានុកូលដ្ឋាន  ការផ្ដល់សៀវភៅស្នាក់នៅ  សៀវភៅ គ្រួសារ  ការផ្ដល់អត្តសញ្ញាណប័ណ្ណ  ការងារគ្រប់គ្រងជនអន្តោប្រវេសន្ត 
២-ការស្វែងរកដំណោះស្រាយ  លើបញ្ហាប្រឈមនានា  ដែលមន្រ្តីអត្រានុកូលដ្ឋាន ឃុំ  សង្កាត់  មន្ត្រីជំនាញក្រុង  ស្រុក    មន្ត្រី ទទួល បន្ទុក កាងារទាំងអស់នេះ  បានជួបប្រទះកន្លងមក  ដើម្បីមានភាពងាយស្រួលក្នុងការគ្រប់គ្រងទិន្នន័យ មានភាពច្បាស់លាស់  មានភាពស៊ីចង្វាក់គ្នា  ទទួលបានទិន្នន័យដូចគ្នា  ដើម្បីឲ្យការងារនេះរលូន  ជោគជ័យ  និងប្រកបដោយប្រសិទ្ធភាពខ្ពស់៕ មុនីរម្យ

ប្រភព៖ រដ្ឋបាលខេត្តសៀមរាប