ក្រុមការងារចម្រុះបានបន្តចុះត្រួតពិនិត្យ និងទប់ស្កាត់ការដឹកជញ្ជូនធនធានរ៉ែគ្រប់ប្រភេទ(ដីស ដីក្រហម ខ្សាច់ ថ្ម....) ខុសលក្ខណ:បច្ចេកទេសក្នុងខេត្តសៀមរាប ដើម្បីរក្សាសន្តិសុខ សុវត្ថិភាព សោភ័ណភាព បរិស្ថានអនាម័យ សណ្តាប់ធ្នាប់របៀបរៀបរយសាធារណ:ក្នុងខេត្តសៀមរាប នាថ្ងៃទី០៨ ខែឧសភា ឆ្នាំ២០១៩ ដោយរៀបចំកម្លាំងចុះត្រួតពិនិត្យចំនួន ២គោលដៅ ដូចខាងក្រោម៖
-ក្រុមទី១៖ បានបំបែកជា ២គោលដៅ ដាក់នៅផ្លូវជាតិលេខ៦ ខាងកើតផ្សារធំ និងនៅរង្វង់មូលព្រៃគុយ ឃុំកណ្តែក ស្រុកប្រាសាទបាគង ខេត្តសៀមរាប
-ក្រុមទី២៖ គោលលដៅនៅខាងមុខវត្តចេតិយ សង្កាត់សំបួរ ក្រុងសៀមរាប។
ក្នុងការធ្វើប្រតិបត្តិការនេះ ក្រុមការងារបានពិនិត្យឃើញថាមានការដឹកជញ្ជូនធនធានរ៉ែ (ដីស ដីក្រហម ខ្សាច់ ថ្ម....) ខុសលក្ខណ:បច្ចេកទេស ដូចជា ដឹកលើសទ្រុង មិនបានគ្រប ឬហៀរ ឬកម្ពប់ ហើយក៏បានពិនិត្យអ្នកបើកបររថយន្តមួយចំនួនមានសារធាតុញៀនផងដែរ ។ ជាមួយគ្នានេះ ក្រុមការងារចម្រុះ បានអប់រំណែនាំ ព្រមទាំងធ្វើកំណត់ហេតុ ណែនាំឲ្យម្ចាស់រថយន្តត្រឡប់ទៅការដ្ឋាន ដើម្បីកាយទំលាក់ និងគ្របអោយបានត្រឹមត្រូវ តាមលក្ខណ:បច្ចេកទេស មុននឹងដឹកចេញពីការដ្ឋានចូលក្នុងក្រុង។ គិតចាប់ពីថ្ងៃទី២៥ ខែមេសា ឆ្នាំ២០១៩ រហូតត្រឹមថ្ងៃនេះ សរុបទាំងអស់មានចំនួន ១៩៣ គ្រឿង និងសារធាតុញៀនចំនួន ៧នាក់។
សូមបញ្ជាក់ថា ក្រោយពីការចុះអប់រំណែនាំរួច ក្នុងករណីម្ចាស់រថយន្ត ឬអ្នកបើកបរ ដែលមិនអនុវត្តការណែនាំ ក្រុមការងារនឹងចាត់ការតាមនីតិវិធីច្បាប់ ដោយផាកពិន័យតាមច្បាប់ និងលិខិតបទដ្ឋានគតិយុត្តជាធរមាន៕មុនីរម្យ
ប្រភព៖ រដ្ឋបាលខេត្តសៀមរាប