នាព្រឹកថ្ងៃព្រហស្បត៌ ១៣រោច ខែចេត្រ ឆ្នាំកុរ ឯកស័ក ព.ស ២៥៦២ ត្រូវនឹងថ្ងៃទី០២ ខែឧសភា ឆ្នាំ២០១៩នេះ ឯកឧត្តម យន្ត មីន អភិបាល នៃគណៈអភិបាលខេត្តព្រះសីហនុ អញ្ជើញដឹកនាំមន្ត្រីក្រោមឪវាទ និងមន្រ្តីពាក់ព័ន្ធនានា ក្នុងគោលបំណងពិនិត្យ និងចង្អុលបញ្ជាដោយផ្ទាល់ រួមទាំងអប់រំណែនាំដល់ម្ចាស់ការដ្ឋាននានា លើបញ្ហាឡានដឹកដីធ្លាក់ប្រឡាក់ផ្លូវ ការចោលសំរាមពាសវាលពាសកាល និងអំពីខ្សែកាប ខែ្សភ្ជាប់បណ្តាញអ៊ិនធឺណែត រញ៉េរញ៉ៃតាមបង្គោលភ្លើងអោយធ្វើការកាត់ចេញទុកតែខ្សែណាដែលមានបណ្តាញដើម្បីសោភ័ណ្ឌភាពក្រុង ខេត្តព្រះសីហនុ។
នាឱកាសនេះឯកឧត្តម ក៏បានធ្វើការណែនាំទៅដល់ម្ចាស់ការដ្ឋានមេការដើម្បីធ្វើការសំអាតនៅបរិវេណខាងមុខការដ្ឋានឲ្យបានស្អាត និងណែនាំដល់ឡានដឹកដីមិនត្រូវផ្ទុកលើសបរិមាណដែលនាំអោយហៀកំពប់ប្រឡាក់ និងនាំអោយខូចផ្លូវថ្នល់។ រួមទាំងបញ្ហាសម្រាប់ កម្ទេចកាកសំណល់ផ្សេងៗ សូមអោយចូលរួមសម្អាតទាំងអស់គ្នា៕ រតនា
ប្រភព៖ រដ្ឋបាលខេត្តព្រះសីហនុ
