នៅសាលាខេត្តកំពត មានបើកសិក្ខាសាលាបណ្ដុះបណ្ដាលគ្រូបង្គោលស្ដីពីនីតិវិធីប្រមូលទិន្នន័យពីស្ថានភាពជីវភាពនិងតម្រូវការរបស់អតីយុទ្ធជន  និងគ្រួសារ ដែលសិក្ខាសាលានេះរៀបចំឡើងដោយក្រុមការងារក្រសួងសង្គម កិច្ចអតីតយុទ្ធជន  និងយុវនីតិសម្បទា ក្រោមអធិបតីភាព  ឯកឧត្តម តូច ចាន់នី អគ្គនាយកបច្ចេកទេសនៃក្រសួងសង្គមកិច្ច អតីត យុទ្ធជន  និងយុវនីតិសម្បទា និងលោក ជឹង ផល្លា អភិបាល រងខេត្ត តំណាង ឯកឧត្ដម ជាវ តាយ អភិបាល នៃគណៈអភិបាលខេត្ត ។ 
       សិក្ខាសាលា នេះមានរយៈពេលពេញមួយថ្ងៃមានសិក្ខាកាមចូលរួមពីមន្ត្រីថ្នាក់ដឹកនាំនិងមន្ត្រី នគរបាលនៅក្នុងគណៈកម្មាធិការ សមាគម អតីតយុទ្ធជន  និងយុវនីតិសម្បទា ក្រុង ស្រុក និងគណៈកម្មាធិការអភិវឌ្ឍន៍សហគមន៍ អតីតយុទ្ធជន ឃុំ សង្កាត់ ក្នុងទូទាំងខេត្ត ដែលមានក្រុង ស្រុក ចំនួន៨ និងឃុំសង្កាត់ ចំនួន៩៣។ គោលលបំណងនៃអង្គសិក្ខាសាលាគឺផ្ដល់នូវការយល់ដឹងបទពិសោធន៍ ចំណេះដឹងថ្មីៗ  និងជួយបង្ហាញផ្លូវដើម្បីអនុវត្តការងារប្រមូលទិន្នន័យអោយបានត្រឹមត្រូវប្រកបដោយប្រសិទ្ធភាព  និងទទួលបានទិន្នន័យជាក់លាក់សម្រាប់ឆ្លើយតបនឹងការអភិវឌ្ឍអតីតយុទ្ធជន  និងគ្រួសារអោយបានចំគោលដៅជាអាទិភាពនៅក្នុងមូលដ្ឋាននៃខេត្តកំពត៕ មុនីរម្យ

ប្រភព៖ រដ្ឋបាលខេត្តកំពត