ឯកឧត្ដម នាយឧត្តមសេនីយ៍ កែ គឹមយ៉ាន ប្រធានអាជ្ញាធរប្រយុទ្ធប្រឆាំងគ្រឿងញៀន អមដំណើរដោយក្រុមការងារពីថ្នាក់ជាតិ និងថ្នាក់ខេត្ត បានចុះសំណេះសំណាលសួរសុខទុក្ខ ប្រជាពលរដ្ឋដែលរងគ្រោះដោយសារខ្យល់កន្រ្តាក់ មកពីស្រុកព្រះនេត្រព្រះ ស្វាយចេក ម៉ាឡៃ អូរជ្រៅនិងក្រុងសិរីសោភ័ណ ចំនួន៤៨២គ្រួសារ នៅទីតាំងចំនួន៣ស្រុកផ្សេងគ្នា គឺនៅស្រុកស្វាយចេក ស្រុកព្រះនេត្រព្រះ និងស្រុកមង្គលបូរី ។
ក្នុងឱកាសនោះដែរ ឯកឧត្តម នាយឧត្តមសេនីយ៍ កែ គឹមយ៉ាន បានប្រសាសន៍ថា រាជរដ្ឋាភិបាលដឹកនាំដោយសម្តេចតេជោហ៊ុន សែន តែងតែគិតគូរពីសុខទុក្ខប្រជាពលរដ្ឋ តម្កល់ប្រយោជន៍ប្រជាពលរដ្ឋជាធំ ដោយមិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយហើយទីណាមានការលំបាកខ្វះខាតទីនោះគឺមានវត្តមានថ្នាក់ដឹកនាំគ្រប់ជាន់ថ្នាក់និងកាកបាទក្រហមចុះជួយអន្តរាគមន៍ដោះស្រាយដោយមិនទុកឲ្យប្រជាពលរដ្ឋណាម្នាក់ ដែលជួបការលំបាកចោលដោយមិនដោះស្រាយនោះឡើយ។ ជាមួយគ្នានោះ ឯកឧត្តម បានសំដែងនូវការសោកស្ដាយចំពោះការខូចខាតផ្ទះសំបែង ទ្រព្យសម្បត្តិពីគ្រោះធម្មជាតិខ្យល់កន្រ្តាក់ដែលជាមហន្តរាយគ្មាននរណាម្នាក់ចង់ជួបប្រទះឡើយ និងសូមអំពាវនាវដល់មន្រ្តីរាជការ កងកំលាំងប្រដាប់អាវុធ និងសប្បុរសជនសូមចូលរួមជួយសង្រ្គោះប្រជាពលរដ្ឋរងគ្រោះដោយខ្យល់កន្រ្តាក់ដែលចេះតែកើនឡើងជារៀងរាល់ថ្ងៃ។ ហើយឯកឧត្តម បាននាំយកអំណោយ ជាសម្ភារ និងថវិការបស់សប្បុរសជន និងផ្ទាល់ខ្លួន ចែកជូន និងប្រគេន៖ ១.ប្រជាពលរដ្ឋ៤៨២ គ្រួសារក្នុង១គ្រួសារទទួលបានឃីត១រួមមាន អង្ករ ២៥គីឡូ ត្រីខ១០កំប៉ុង មី១កេស ប្រេងឆា១លីត្រ ទឹកស៊ីអ៊ីវ៣ដប នំធុង១ធុង ទឹកសុទ្ធ១កេស មុង១ សារុង២ ក្រម៉ា២ ភួយ១ ថវិកា ៥ម៉ឺនរៀល ។ ២.ឧបត្ថម្ភ ដល់កងកម្លាំង យោធា នគរបាល កងរាជអាវុធហត្ថ ដែលបានចុះអន្តរគមន៍ជួយជួសជុលផ្ទះជូនប្រជាពលរដ្ឋ នូវថវិកាសរុបចំនួន៧លានរៀល។ ៣.ឧបត្ថម្ភ ដល់ស្រុកព្រះនេត្រព្រះ ស្វាយចេក ម៉ាឡៃ អូរជ្រៅ ស្រុកមង្គលបូរី និងក្រុងសិរីសោភ័ណ ក្នុង១ស្រុកៗទទួលបានថវិកា១លានរៀល។ ៤. ឧបត្ភម្ថយុវជនស្រុកស្រុកព្រះនេត្រព្រះ ថវិកា១លានរៀល។ ៥. ឧបត្ភម្ថយុវជនស្រុកស្រុកមង្គលបូរី ថវិកា២០ម៉ឺនរៀល។ ៦.ប្រគេនវត្តបឹងត្រាវ បច្ច័យ១លានរៀល ។ ៧.ផ្តល់ជូនស័ង្គសីចំនួន២ម៉ឺន៤ពាន់សន្លឹកសម្រាប់តម្កល់ទុកប្រើប្រាស់៕ មុនីរម្យ
ប្រភព៖ រដ្ឋបាលខេត្តបន្ទាយមានជ័យ