រដ្ឋបាលខេត្តព្រះសីហនុ បានរៀបចំកិច្ចប្រជុំពិភាក្សា ពិគ្រោះយោបល់ រវាងរដ្ឋបាលខេត្តព្រះសីហនុ និងសមាគម អង្គការក្នុងគោលបំណងធ្វើបច្ចុប្បន្នភាពលើបញ្ជីឈ្មោះ សមាគម និងអង្គការ មិនមែនរដ្ឋាភិបាល និងសមាគមនានានៅក្នុងខេត្តព្រះសីហនុ ក្រោមអធិបតីភាពលោក ជាវ វិជ្ជាក់ អភិបាលរងខេត្តព្រះសីហនុ ព្រមទាំងមានការអញ្ជើញចូលរួមពីសំណាក់មន្រ្តីជាប់ពាក់ពន្ធ និងសមាគម អង្គការមិនមែនរដ្ឋាភិបាល ដែលមានទីតាំងនៅក្នុងខេត្តព្រះសីហនុ នាថ្ងៃអង្គារ ៤រោច ខែចេត្រ ឆ្នាំកុរ ឯកស័ក ពុទ្ធសករាជ ២៥៦២ ត្រូវនឹងថ្ងៃទី២៣ ខែមេសា ឆ្នាំ២០១៩។
លោក ជាវ វិជ្ជាក់ អភិបាលរងខេត្តព្រះសីហនុ ក៏បានសាកសួរទៅដល់អង្គការមិនមែនរដ្ឋាភិបាល អោយលើកឡើងអំពីបេសកម្មរបស់ខ្លួន រួមទាំងបញ្ហាប្រឈមនានា ដែលកើតមានឡើងក្នុងអង្គការរបស់ខ្លួន ព្រមទាំងបានអនុញ្ញាត ទៅដល់មន្រ្តីជំនាញធ្វើការបកស្រាយបំភ្លឺនូវរាល់ចម្ងល់របស់អង្គការមិនមែនរដ្ឋាភិបាលនីមួយៗ និងដំណោះស្រាយបញ្ហានានាដែលពួកគាត់បានលើកឡើង៕ រតនា
ប្រភព៖ រដ្ឋបាលខេត្តព្រះសីហនុ
