គណៈប្រតិភូខេត្តជាំងស៊ូ ប្រទេសចិន ដឹកនាំដោយ Mr. Li Kan Zhen អគ្គនាយកគណៈកម្មាធិកាកំណែទំរង់ និងអភិវឌ្ឍខេត្តជាំងស៊ូ ប្រទេសចិន បានចូលជួបសំដែងការគួរសមជាមួយអភិបាល ខេត្តព្រះសីហនុ ។
ឯកឧត្តម យន្ត មីន អភិបាល នៃគណៈអភិបាលខេត្តព្រះសីហនុ បានជម្រាបជូនគណៈប្រតិភូ ពីសក្តានុពល និងភូមិសាស្ត្ររបស់ខេត្តព្រះសីហនុ មានកំពង់ផែទឹកជ្រៅតែមួយគត់ នៃប្រទេសកម្ពុជា និងមានទំនិញឆ្លងកាត់ កុងតឺន័រចេញ ចូល ៧៣ភាគរយ ។ ខេត្តមានឆ្នេរខ្សាច់ប្រវែង ១៧៥គីឡូម៉ែត្រ មានកោះចំនួន ៣២ ប្រកបដោយសក្ដានុ ពលធម្មជាតិ មានដូចជា ផ្កាថ្ម ជីវៈចម្រុះបាតសមុទ្រ ។ ខេត្តមានផ្លូវគមនាគមន៍ ផ្លូវទឹក ផ្លូវគោក ផ្លូវដែក និងផ្លូវអាកាស ហើយព្រលានយន្តហោះអន្តរជាតិខេត្តព្រះសីហនុ បានដំណើរការហោះហើរទៅកាន់បរ ទេសក្នុងមួយថ្ងៃពី១៥ ទៅ ២០ ជើង ។ ដោយមានការគាំទ្រក្នុងការអនុវត្តនូវគោលនយោបាយផ្លូវមួយ ខ្សែក្រវាត់មួយ និងផ្លូវសូត្រសមុទ្រ ធ្វើឲ្យអ្នកវិនិយោគចិន ចាប់អា រម្មណ៍មកធ្វើកាវិនិយោគនៅខេត្តព្រះសីហនុ មានការកើនឡើង ពិសេសតំបន់សេដ្ឋកិច្ចក្រុងព្រះ សីហនុ បានដើរតួនាទីយ៉ាងសំខាន់ ធ្វើឱ្យមានកំណើនសេដ្ឋកិច្ចជាតិ ផ្តល់ការងារជូនប្រជាពលរដ្ឋ ។
លោក Mr. Li Kan Zhen អគ្គ នាយកគណៈកម្មាធិកាកំណែទំរង់ និងអភិវឌ្ឍខេត្តជាំងស៊ូ ប្រទេសចិន មានប្រសាសន៍ថ្លែងអំណរគុណអភិបាលខេត្ត ដែលឱ្យគណប្រតិភូ របស់លោកចូលជួបពិភាក្សា និងឈ្វេងយល់ពីសក្តានុពលវិនិយោគនៅខេត្ដព្រះសីហនុ ។ ទន្ទឹមនោះគណៈប្រតិភូលោកមានគោល បំណងបំពេញទស្សនៈ គឺដើម្បីពង្រឹង និងពង្រីកទំនាក់ទំនង កិច្ចសហប្រតិបត្តិការរវាងខេត្តជាំងស៊ូ ប្រទេសចិន និងខេត្តព្រះសីហនុ នៃព្រះរាជណាចក្រកម្ពុជា និងសិក្សាឈ្វេង៊ងយល់បន្ថែមអំពីវិស័យវិនិ យោគនៅខេត្តព្រះសីហនុ ។ ខេត្តព្រះសីហនុ និងខេត្តជាំងស៊ូ មានកិច្ចសហប្រតិបត្តិការគ្នាល្អ ពិសេសខេត្តបានជួយគាំទ្រដល់អ្នកវិនិយោគគិនចិន មកធ្វើការវិនិយោគនៅខេត្តព្រះសីហនុ ដោយអនុវត្តនូវគោលនយោបាយផ្លូវមួយ ខ្សែក្រវាត់មួយ របស់ប្រធានាធិបតីចិន ក្នុង រយៈពេល ១០ឆ្នាំកន្លងនេះ មានសមិទ្ធិផលជាច្រើនបានកើតឡើងនៅលើទឹកដីខេត្តព្រះសីហនុ ហើយបានជួយបង្កើនការងារជូនប្រជា ពលរដ្ឋកម្ពុជា ពិសេសប្រជាពលរដ្ឋខេត្តព្រះសីហនុ ៕ មុនីរម្យ
ប្រភព៖ រដ្ឋបាលខេត្តព្រះសីហនុ