ឯកឧត្តម ម៉ុម សារឿន អភិបាលនៃគណៈអភិបានខេត្ត បានអញ្ជើញជាអធិបតីក្នុងពិធីប្រកាសចូលកាន់មុខតំណែងអភិបាលរង នៃគណៈអភិបាលស្រុកថាឡាបរិវ៉ាត់។ នៅរសៀលថ្ងៃព្រហស្បតិ៍ ៧កើត ខែចេត្រ ឆ្នាំច សំរឹទ្ឋិស័ក ព.ស.២៥៦២ ត្រូវនឹងថ្ងៃទី១១ ខែមេសា ឆ្នាំ២០១៩ ក្នុងឱកាសនោះ ឯកឧត្តម ម៉ុម សារឿន អភិបាលខេត្ត បានអបអរសាទរចំពោះលោក លោកស្រីទាំង ៤រូប ជាអភិបាលរងស្រុកថាឡាបរិវ៉ាត់ ដែលបានប្រកាសចូលកាន់មុខតំណែងនាពេលនេះ ត្រូវរួបរួមគ្នាជាធ្លុងមួយ មានសាមគ្គីភាព ឯកភាពផ្ទៃក្នុង និងសហការ ដើម្បីជួយកិច្ចការក្នុងរដ្ឋបាលស្រុកឲ្យសម្រេចបានគ្រប់ភារកិច្ចដែលខេត្ត និងរាជរដ្ឋាភិបាល ក៏ដូចជាក្រសួងមហាផ្ទៃបានប្រគល់ជូន ជាពិសេសការយកចិត្តទុកដាក់ដោះស្រាយ លើកស្ទួចកម្រិតជីវភាព ការងារសន្តិសុខ និងបង្កើនបរិយាកាសល្អសម្រាប់ការរស់នៅរបស់ប្រជាពលរដ្ឋ ឲ្យដល់គ្រប់ទីកន្លែង និងមានភាពល្អប្រសើរ ទូទាំងមូលដ្ឋានស្រុកថាឡាបរិវ៉ាត់។
ពិធីនេះមានការអញ្ជើញចូលរួមពីថ្នាក់ដឹកនាំខេត្ត សមាជិកក្រុមប្រឹក្សាខេត្ត មន្ទីរអង្គភាព និងមន្រ្តីរាជការក្នុងស្រុកថាបរិវ៉ាត់ជាច្រើនរូបផងដែរ៕ មុនីរម្យ
ប្រភព៖ រដ្ឋបាលខេត្តស្ទឹងត្រែង