នៅព្រឹកថ្ងៃពុធ ៦កើត ខែចេត្រ ឆ្នាំច នព្វស័ក ព.ស.២៥៦២ ត្រូវនឹងថ្ងៃទី១០ ខែមេសា ឆ្នាំ២០១៩ រដ្ឋបាលខេត្តស្ទឹងត្រែង បានរៀបចំពិធីសូត្រមន្តប្រោះព្រំប្រសិទ្ធិពរជ័យ សិរីសួស្តី សូមសេចក្តីសុខ សេចក្តីចម្រើន ក៏ដូចជាលើករាសីដល់ថ្នាក់ដឹកនាំ មន្រ្តីរាជការ កម្លាំងប្រដាប់អាវុធ និងប្រជាពលរដ្ឋទូទាំងខេត្តស្ទឹងត្រែង ក្នុងឱកាសទទួលអំណរសាទរទេវតាឆ្នាំថ្មី ឆ្នាំកុរ សំរឹទ្ធស័ក ព.ស.២៥៦៣ ដែលនឹងឈានមកដល់ខាងមុខនេះ។
      ក្នុងពិធីនេះ គឺមានការនិមន្តចូលរួមពីព្រះសង្ឃ ព្រមទាំងមានការអញ្ជើញចូលរួមពីឯកឧត្តម ម៉ុម សារឿន អភិបាលនៃគណៈអភិបាលខេត្ត និងឯកឧត្តម ឈឹម រចនា ប្រធានក្រុមប្រឹក្សខេត្ត និងព្រមទាំងឯកឧត្តម លោកជំទាវថ្នាក់ដឹកនាំខេត្ត ក្រុមប្រឹក្សាខេត្ត កងកម្លាំងប្រដាប់អាវុធគ្រប់ប្រភេទ មន្ទីរ-អង្គភាពនានាជុំវិញខេត្ត និងមន្រ្តីរាជការក្នុងខេត្តស្ទឹងត្រែង ព្រមទាំងគណៈប្រតិភូខេត្តកន្ទុម នៃសាធារណៈរដ្ឋសង្គនិយមវៀតណាម ក៏បានអញ្ជើញចូលរួមក្នុងពិធីនេះផងដែរ៕ មុនីរម្យ

ប្រភព៖ រដ្ឋបាលខេត្តស្ទឹងត្រែង