លោក អម សុភា អភិបាលរងខេត្តកំពង់ឆ្នាំង រួមជាមួយនឹងលោក ស៊ីវ រុន សមាជិកក្រុមប្រឹក្សាខេត្ត បានអញ្ជើញចូលរួមពិធីបិទគម្រោងសហភាពអឺរ៉ុបសម្រាប់គាំទ្រដល់កំណែទម្រង់វិមជ្ឈការ និងរដ្ឋបាល (EU DAR) នាថ្ងៃអង្គារ ៥កើត ខែចេត្រ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី៩ ខែមេសា ឆ្នាំ២០១៩ នៅសណ្ឋាគារ Raffles Hotel le Royal រាជធានីភ្នំពេញ។
គោលបំណងនៃពិធីនេះ ធ្វើឡើងដើម្បី៖
១.បង្ហាញពីបទពិសោធន៍ ព្រមទាំងសមិទ្ធផល«ផលិតផល» នានារបស់គម្រោងដែលសម្រេចបាន នាពេលកន្លងមក
២.ចែករំលែកបទពិសោធន៍ ព្រមទាំងសមិទ្ធផល«ផលិតផល» នានា ជាមួយក្រុង ស្រុកដែលមិនបានចូលរួមអនុវត្តសាកល្បងជាមួយគម្រោងសហភាពអឺរ៉ុបសម្រាប់គាំទ្រដល់កំណែទម្រង់វិមជ្ឈការ និងរដ្ឋបាល
៣.ទទួលស្គាល់ពីកិច្ចខិតខំប្រឹងប្រែង និងការចូលរួមចំណែករបស់ដៃគូពាក់ព័ន្ធសំខាន់ៗ ៕ មុនីរម្យ
ប្រភព៖ រដ្ឋបាលខេត្តកំពង់ឆ្នាំង