នៅសាលាខេត្តរតនគិរី នាព្រឹកថ្ងៃទី០៧ ខែមេសា ឆ្នាំ២០១៩ ឯកឧត្តម ថង សាវុន អភិបាលខេត្តរតនគិរី បានអនុញ្ញាតឱ្យលោក Wang Junប្រធានក្រុមហ៊ុន China Dalian Intenatoinal Economic &Technical cooperation Group Co,Ltd ចូលជួបសម្តែងការគួរសម និងជូនពរក្នុងឱកាសបុណ្យចូលឆ្នាំថ្មីប្រពៃណីជាតិខ្មែរដែលចូលមកដល់ខាងមុខនេះ។ 

      ក្នុងឱកាសនេះដែរ លោក Wang Junបានបញ្ជាក់ជូនឯកឧត្តមអភិបាលខេត្តអំពីបំណងនៃការធ្វើទស្សនកិច្ចសិក្សានៅខេត្តរតនគិរី ប្រទេសកម្ពុជា ក្នុងគោលបំណងស្វែងរកឱកាសវិនិយោគនៅកម្ពុជា ជាពិសេសនៅខេត្តរតនគិរី ដែលជាខេត្តមានសក្តានុពលច្រើន លើវិស័យឧស្សាហកម្ម កសិកម្ម ទេសចរណ៍ ហេដ្ឋារចនាសម្ព័ន្ធគមនាគមន៍ និងអចលនទ្រព្យជាដើម។ ក្រុមហ៊ុនCDIG គឺជាក្រុមហ៊ុនដ៏ធំមួយរបស់ចិនដែលមានបទពិសោធន៍លើការងារហិរញ្ញវត្ថុ និងការស្ថាបនាហេដ្ឋារចនាសម្ព័ន្ធ អគារ ព្រលានយន្តហោះ ផ្សារទំនើប 

      ឯកឧត្តម ថង សាវុន អភិបាលខេត្តរតនគិរី បានសម្តែងនូវការស្វាគមន៍យ៉ាងកក់ក្តៅ ចំពោះទស្សនកិច្ចសិក្សាដើម្បីស្វែងរកឱកាសវិនិយោគរបស់ក្រុមហ៊ុនចិនមួយនេះ។  ទន្ទឹមគ្នានោះឯកឧត្តមបានជម្រាបជូនលោកនាយកក្រុមហ៊ុនថា ខេត្តរតនគិរី គឺជាគោលដៅប៉ូលសេដ្ឋកិច្ចទី៤ ដែលរដ្ឋាភិបាលបានកំណត់ជាយុទ្ធសាស្ត្រ ដូចនេះខេត្តត្រូវការហេដ្ឋារចនាសម្ព័ន្ធរូបវន្តជាច្រើនបន្ថែមទៀត ដើម្បីឆ្លើយតបទៅនឹងនិន្នាការនៃការរីកចម្រើននេះដូចជា ផ្នែកគមនាគមន៍ផ្លូវអាកាស ទឹកស្អាត ថាមពលវារីអគ្គិសនី វិស័យទេសចរណ៍ កសិ.ឧស្សាហកម្ម និងការកែច្នៃផលិតផលសម្រេចក្នុងស្រុកដើម្បីនាំចេញជាដើម។ ដូចនេះជាឱកាសក្នុងការវិនិយោគនៅខេត្តរតនគិរី របស់ក្រុមហ៊ុនចិន ដែលកន្លងមកមានការជំរុញលើកទឹកចិត្តវិនិយោគទុនរវាងរដ្ឋាភិបាលប្រទេសទាំងពីរផងដែរ៕ មុនីរម្យ

ប្រភព៖ រដ្ឋបាលខេត្តរតនគិរី