ឯកឧត្ដម សួន បវរ អភិបាលខេត្ត និងលោក លោកស្រី អភិបាលរងខេត្ត បន្ទាយមានជ័យ រួមជាមួយមន្ត្រីរាជការ ពាក់ព័ន្ធជុំវិញខេត្ត បានទទួលស្វាគមន៍ គណ:ប្រតិភូខេត្តដុងថាប់នៃសាធារណរដ្ឋប្រជាមានិតវៀតណាម បានអញ្ជើញ មកចូលរួមទស្សនកិច្ចនិងជូនពរឆ្នាំថ្មីនៅខេត្តបន្ទាយមានជ័យ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ នាព្រឹកថ្ងៃទី៦ ខែមេសា ឆ្នាំ២០១៩។
ទន្ទឹមជាមួយគ្នានោះ ឯកឧត្ដម សួន បវរ អភិបាលខេត្តបន្ទាយមានជ័យ បានមានប្រសាសន៍បញ្ជាក់ថា៖ប្រទេសកម្ពុជា រៀតណាម មានកិច្ចសហប្រតិបត្តិការជាមួយគ្នាជាប្រពៃណីអស់កាលដ៏យូរលង់ណាស់មកហើយ ។ តារយៈកម្មវិធីទស្សនកិច្ច និងជូនពរឆ្នាំថ្មីនាឱកាសនេះក្នុងនាមរដ្ឋបាលខេត្ត មន្រ្តីរាជការ កងកម្លាំងប្រដាប់អាវុធ និងប្រជាពលរដ្ឋទូទាំងខេត្តបន្ទាយមានជ័យសូមសម្តែងនូវអំណរគុណនឹងបន្តពង្រឹង ពង្រីកចំណងសាមគ្គីភាព មិត្តភាពរវាងប្រជាជននៃប្រទេសទាំងពីរ អោយកាន់តែរឹងមាំយូរអង្វែង។
ឆ្លៀតក្នុងឱកាសចូលឆ្នាំថ្មីប្រពៃណីខ្មែរខាងមុខក្នុង ប្រធានគណៈកម្មាធិការប្រជាជនខេត្តដុងដាប់ នៃសាធរណៈរដ្ឋសង្គមនិយមវៀតណាមសូមគោរពជូនពរដល់ថ្នាក់ដឹកនាំគ្រប់លំដាប់ថ្នាក់ ក៏ដូចជាប្រជាជនកម្ពុជាសូមប្រកបដោយសុភមង្គល និងមានសុខភាពល្អបរិបូរ។ជាសេសជូពរអោយខេត្តបន្ទាយមានជ័យទទួលបានសមិទ្ធិផលសំខាន់បន្ថែមទៀតរួមចំណែកកសាង និងអភិវឌ្ឍន៍សេដ្ឋកិច្ចសង្គមកាន់តែមានភាពរីកចម្រើនជាលំដាប់ផងដែរ៕ មុនីរម្យ
ប្រភព៖ រដ្ឋបាលខេត្តបន្ទាយមានជ័យ