នាព្រឹកថ្ងៃព្រហស្បតិ៍ ១៥រោច ខែផល្គុន ឆ្នាំចសំរឹទ្ធិស័ក ព.ស២៥៦២ ត្រូវនឹងថ្ងៃទី០៤ ខែមេសា ឆ្នាំ២០១៩ នៅសាលប្រជុំសាលាខេត្តកំពង់ស្ពឺ ក្រុមប្រឹក្សាខេត្តបានបើកកិច្ចប្រជុំសាមញ្ញលើកទី៥៩ អាណត្តិទី២របស់ខ្លួន ក្រោមអធិបតីភាព ឯកឧត្តម យឹម សុខុម ប្រធានក្រុមប្រឹក្សាខេត្ត និងមានការចូលរួមពី លោកស្រី ឡុង បូណារេត អភិបាលរងខេត្ត ព្រមទាំងមានការចូលរួមពីលោក លោកស្រី សមាជិកក្រុមប្រឹក្សាខេត្ត លោក លោកស្រីថ្នាក់ដឹកនាំតាមបណ្ដាមន្ទីរ អង្គភាព ជុំវិញខេត្ត លោកនាយករដ្ឋបាលខេត្ត លោក លោកស្រីនាយកទីចាត់ការទាំង០៥ និងលោកប្រធានអង្គភាពទាំង២ ចំណុះសាលាខេត្ត ដើម្បីពិនិត្យនិងពិភាក្សាទៅលើរបៀបវារៈដែលរួមមាន៖ ១.ពិនិត្យ និងអនុម័តរបៀបវារៈនៃកិច្ចប្រជុំសាមញ្ញលើកទី៥៩, ២.ពិនិត្យ៍ និងអនុម័តកំណត់ហេតុនៃកិច្ចប្រជុំសាមញ្ញ លើកទី៥៨, ៣.ពិនិត្យ និងអនុម័តរបាយការណ៍ ស្តីពីលទ្ធផលនៃការអុវត្តការងារប្រចាំខែមីនា និងប្រចាំត្រីមាសទី១ ឆ្នាំ ២០១៩ របស់រដ្ឋបាលខេត្ត, ៤.ពិនិត្យ និងអនុម័តប្រតិទិនស្ដីពីពីការកសាងកម្មវិធីវិនិយោគខេត្តឆ្នាំ ២០២០-២០២២, ៥.បញ្ហាផ្សេងៗ, ៦.កំណត់របៀបវារៈ ទីកន្លែង និងពេលវេលាសម្រាប់ កិច្ចប្រជុំបន្ទាប់៕ រតនា
ប្រភព៖ រដ្ឋបាលខេត្តកំពង់ស្ពឺ