ឯកឧត្ដម អ៊ុន ចាន់ដា អភិបាលនៃគណៈអភិបាលខេត្ត អញ្ជើញទទួលសម្តែងការគួរសម ឯកអគ្គរដ្ឋទូតសាធារណរដ្ឋប្រជាធិបតេយ្យប្រជាមានិតឡាវ នៅសាលាខេត្តព្រះវិហារ ដោយមានការចូលរួមពីអភិបាលរងខេត្ត មេបញ្ជាការកងកម្លាំងទាំង៣របស់ខេត្ត អភិបាលស្រុកជាប់ព្រំដែនឡាវផងដែរ នារសៀលថ្ងៃពុធ១៤រោច ខែ ផល្គុន ឆ្នាំច សំរឹទ្ធិស័ក ពស២៥៦២ ថ្ងៃទី០៣ ខែមេសា ឆ្នាំ២០១៩។
មានប្រសាសន៍ក្នុងឱកាសនោះ ឯកឧត្តមអភិបាលខេត្ត បានជម្រាបជូនឯកអគ្គរដ្ឋទូតឡាវ ពីសមិទ្ធផល និងការអភិវឌ្ឍរីកចម្រើន ក៏ដូចសក្តានុពលសំខាន់របស់ខេត្តព្រះវិហារក្រោមការដឹកនាំសម្តេចតេជោ ហ៊ុន សែន ជាពិសេសខេត្តតាមបណ្តោយព្រំដែន បានប្រែក្លាយព្រំដែនសន្តិភាពកិច្ចសហប្រតិបត្តិការល្អ តាមរយះការពង្រឹងទំនាក់ទំនងល្អ ការនាំចេញ នាំចូលទំនិញរវាងគ្នានឹងគ្នាជាប្រចាំ ការតម្លើងច្រកទ្វាតាមព្រំដែនជាច្រកទ្វាអន្តរជាតិ។
បន្ថែមពីនេះ ឯកឧត្តមបានជម្រាបជូននូវការពង្រឹងបន្ថែមលើការអនុវត្តវិធាន BLO ការបង្កើតឲ្យមានភូមិ ស តាមបណ្តោយព្រំដែនជាពិសេស កម្ពុជា ឡាវ។ លើសពីនោះទៀត ឯកឧត្តម អភិបាលមានប្រសាសន៍ នឹងបន្តពង្រឹងកិច្ចសហប្រតិបតិ្តបាន កាន់តែល្អបន្ថែមទៀត តាមរយះការ ផ្លាស់ប្តូរទស្សនកិច្ច ជាពិសេសរួមគ្នា ទប់ស្កាត់បញ្ហាគ្រឿងញៀនតាមបណ្តោយព្រំដែន ថែមទៀតផង។
ឯកឧត្តម អគ្គរដ្ឋទូតឡាវ ប្រចាំព្រះរាជាណាចក្រកម្ពុជា បានថ្លែងអំណរគុណឯកឧត្តមអភិបាលខេត្ត ដែលបានទទួលស្វាគមន៍ យ៉ាងកក់ ក្តៅបំផុត ក្នុងដំណើរទស្សនកិច្ចក្នុងទឹកដីខេត្តព្រះវិហារនេះ៕ រតនា
ប្រភព៖ រដ្ឋបាលខេត្តព្រះវិហារ