នាព្រឹកថ្ងៃច័ន្ទ ១២រោច  ខែផល្គុន  ឆ្នាំច  សំរឹទ្ធិស័ក  ព.ស២៥៦២  ត្រូវនឹងថ្ងៃទី១ ខែមេសា ឆ្នាំ២០១៩ ឯកឧត្តម ជាវ តាយ អភិបាល នៃគណៈអភិបាលខេត្តកំពត បានដឹកនាំ អភិបាលរងខេត្ត  នាយករដ្ឋបាល អភិបាលក្រុង ប្រធានមន្ទីរ អង្គភាពជំនាញជុំវិញខេត្ត ចុះពិនិត្យទីតាំង សាងសង់ខ្លោងទ្វារពហុកីឡដ្ឋានថ្មីដោយបែរមកចំរង្វង់មូលទុរេន។ 
     ក្នុងនោះដែរ ឯកឧត្តមអភិបាលខេត្ត ក៏បានមានប្រសាសន៍ដូចខាងក្រោម៖
-រដ្ឋបាលខេត្ត មានគម្រោងពង្រីកផ្លូវ មួយចំនួនដែលចេញពីរង្វង់មូលទុរេន ដើម្បីសម្រួលចរាចរក្នុងក្រុង។ -ស្នើអភិបាលក្រុងកំពត ហាមឃាត់ និងបញ្ឈប់មិនឲ្យមានការលក់ដូរនៅជុំវិញពហុកីឡាដ្ឋាន ដើម្បីរក្សាសោភណ្ឌក្រុង ក៏ដូចជាត្រៀមរៀបចំ ពិធីកំពតសង្ក្រាន្ត និងបុណ្យសមុទ្រ ដែលនឹងប្រព្រឹត្តទៅក្នុងពេលឆាប់នេះ។ -ស្នើ នាយខណ្ឌរដ្ឋបាលព្រៃឈើ កាប់ និងគាស់ដើមឈើមួយចំនួនទៅដាំកន្លែងផ្សេង ដើម្បីកុំឲ្យប៉ះពាល់ដល់ការងារសាងសង់ក្លោងទ្វារថ្មីនេះ ក៏ដូចជា គម្រោងពង្រីកផ្លូវ ផងដែរ៕ មុនីរម្យ

ប្រភព៖ រដ្ឋបាលខេត្តកំពត