នាព្រឹកថ្ងៃព្រហស្បតិ៍ ៨រោច ខែផល្គុន ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៨ ខែមីនា ឆ្នាំ២០១៩នេះ នៅសាលាខេត្ត មានរៀបចំកិច្ចប្រជុំសាមញ្ញលើកទី៥៨ ឆ្នាំទី៥ អាណត្តិទី២ របស់ក្រុមប្រឹក្សាខេត្តស្វាយរៀង ក្រោមអធិបតីភាពឯកឧត្តម ជុំ ហាត ប្រធានក្រុមប្រឹក្សាខេត្ត និងមានការអញ្ជើញចូលរួមពីលោកជំទាវ ឯក សុវណ្ណភារៈ ឯកឧត្ដម ហែម ពិសិដ្ឋ អភិបាលរងខេត្ត ឯកឧត្ដម លោកជំទាវសមាជិក សមាជិកាក្រុមប្រឹក្សាខេត្ត លោកនាយករងរដ្ឋបាលសាលាខេត្ត លោក លោកស្រីនាយក នាយករងទីចាត់ការ ប្រធាន អនុប្រធានអង្គភាព និងប្រធានការិយាល័យចំណុះសាលាខេត្ត ។ កិច្ចប្រជុំនេះផ្តោតសំខាន់លើចំនុចសំខាន់ៗរួមមាន៖
១-ការពិនិត្យអនុម័តលើសេចក្តីព្រាងកំណត់ហេតុនៃកិច្ចប្រជុំសាមញ្ញលើកទី៥៧
២-ការអនុម័តរបាយការណ៍បូកសរុបលទ្ធផលការងារប្រចាំខែមីនា និងទិសដៅខែមេសា ឆ្នាំ២០១៩ របាយការណ៍បូកសរុបលទ្ធផលការងារប្រចាំត្រីមាសទី១ និងទិសដៅត្រីមាសទី២ ឆ្នាំ២០១៩ និងបូកសរុបលទ្ធផលការងារប្រចាំឆ្នាំ២០១៨ និងទិសដៅការងារ ឆ្នាំ២០១៩ របស់រដ្ឋបាលខេត្ត
៣-ពិនិត្របាយការណ៍ប្រចាំត្រីមាសទី១ និងទិសដៅត្រីមាសទី២ ឆ្នាំ២០១៩ របស់ គ.ក.ស.ក ខេត្ត
៤-ពិនិត្របាយការណ៍ប្រចាំត្រីមាសទី១ និងទិសដៅត្រីមាសទី២ ឆ្នាំ២០១៩ របស់គណៈកម្មាធិការលទ្ធកម្មរដ្ឋបាលខេត្ត។
៥-ការអនុម័តលើសេចក្ដីព្រាងស្ដីពីការបែងចែកប្រាក់រង្វាន់លើកទឹកចិត្តមន្ត្រីរាជការសាលាខេត្ត
៦-សេចក្តីផ្សេងៗ(កិច្ចប្រជុំសាមញ្ញក្រុមប្រឹក្សាខេត្តលើកទី៥៩ និងប្រព្រឹត្ដទៅនៅថ្ងៃទី៣០ ខែមេសា ឆ្នាំ២០១៩) ៕ គឹមអាន
ប្រភព៖ រដ្ឋបាលខេត្តស្វាយរៀង