អភិបាលខេត្តបន្ទាយមានជ័យ ប្រជុំពិភាក្សាការងារជាមួយគណៈប្រតិភូសមាគមទំនាក់ទំនងមិត្តភាពក្រៅប្រទេស ខេត្តយូណាន
នៅថ្ងៃព្រហស្បតិ៍ ៨រោច ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៨ ខែមីនា ឆ្នាំ២០១៩ ឯកឧត្តម សួន បវរ អភិបាលខេត្តបន្ទាយមានជ័យ បានដឹកនាំមន្ទីរអង្គភាព ពាក់ព័ន្ធនានាក្នុងខេត្ត ជួបប្រជុំពិភាក្សាការងារជាមួយ លោក ផែង សៅយ៉ុន អគ្គលេខាធិការរង សមាគមទំនាក់ទំនងមិត្តភាពក្រៅប្រទេស ជាប្រធានគណៈប្រតិភូសមាគមទំនាក់ទំនងមិត្តភាពក្រៅប្រទេស ខេត្តយូណាន នៃសាធារណរដ្ឋប្រជាមានិតចិន។
គួរបញ្ចាក់ផងដែរថា កម្មវិធីជំនួបនេះគឺបានជជែកពិភាក្សាលើកម្មវិធីព្យាបាលវះកាត់ជម្ងឺភ្នែកឡើងបាយ ជូនដល់ប្រជាពលរដ្ឋក្នុងខេត្តបន្ទាយមានជ័យ និងធ្វើទស្សនកិច្ចក្នុងខេត្តបន្ទាយមានជ័យ ។ ជាចុងបញ្ជប់នៃកម្មវិធីក៏មានការជូននៅវត្ថុអនុស្សាវរីយ៍ទៅវិញមករវាងថ្នាក់ដឹកនាំទាំងពីរផងដែរ៕ មុនីរម្យ
ប្រភព៖ ខេត្តបន្ទាយមានជ័យ
