នាព្រឹកថ្ងៃចន្ទ ៥រោច ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៥ ខែមីនា ឆ្នាំ២០១៩ ឯកឧត្តម អ៊ូច ភា អភិបាលនៃគណៈអភិបាលខេត្ត និងជាប្រធានគណៈកម្មាធិការត្រួតពិនិត្យគ្រឿងញៀនខេត្ត ដោយមានការអញ្ជើញចូលរួមពី អភិបាលរងខេត្ត ស្នងការនគរបាលខេត្ត លោក លោកស្រី ប្រធាន អនុប្រធាន មន្ទីរអង្គភាពជុំវិញខេត្ត និស្សិត សិស្ស អង្គការសង្គមស៊ីវិល កម្លាំងកងរាជអាវុធហត្ថខេត្ត មន្រ្តីនាយទាហាន និងម្ចាស់ភោជនីយ៍ដ្ឋាន ផ្ទះសំណាក់សណ្ឋាគារ ដែលមានមូលដ្ឋានជាច្រើនកុះករ ។
ឯកឧត្តមអភិបាលខេត្ត បានមានប្រសាសន៍ជំរុញដល់អាជ្ញាធរភូមិ-ឃុំ-ស្រុក-ក្រុង ត្រូវ ធ្វើបច្ចុប្បន្ន ភាពជនប្រើប្រាស់គ្រឿងញៀន និងកំណត់មុខសញ្ញាឲ្យបានច្បាស់លាស់ ហើយប្រើយន្តការដ៏មានប្រសិទ្ធភាពបំផុត ក្នុងការងារទប់ស្កាត់ការជួញដូរ និងប្រើប្រាស់ គ្រឿងញៀន ហើយត្រូវបង្កើតគណៈកម្មាធិការតាមគោលដៅនៅមូលដ្ឋានគ្រប់ទី កន្លែង សម្រាប់ទទួលខុស ត្រូវការងារជំនាញគ្រឿងញៀននេះ។ ហើយឯកឧត្តម ក៏បានស្នើដល់អាជ្ញាធរ មូលដ្ឋាន ក៏ដូចជាសមត្ថកិច្ចជំនាញពាក់ព័ន្ធត្រូវធ្វើការផ្សព្វផ្សាយជាប្រចាំ នៅតាមគោលដៅ ដូចជា នៅតាមសណ្ឋាគារ ក្លឹបកំសាន្ត ឬកន្លែងផ្សេងទៀត ពិសេសជាមួយប្រជា ពលរដ្ឋ ដោយឲ្យពួកគាត់ ចូលរួមកិច្ចសហការទើបការងារទប់ស្កាត់ការងារជួញដូរ និងប្រើប្រាស់ គ្រឿងញៀននេះ ទទួលបានប្រសិទ្ធភាពខ្ពស់៕ មុនីរម្យ
ប្រភព៖ រដ្ឋបាលខេត្តតាកែវ