ថ្ងៃសុក្រ ១០ កើត ខែផល្គុន ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី១៥ ខែមីនា ឆ្នាំ២០១៩ លោកជំទាវ មិថុនា ភូថង អភិបាល នៃគណៈអភិបាល ខេត្តកោះកុង អញ្ជើញអមដំណើរ ឯកឧត្តម គួច វែងស្រ៊ុន អនុរដ្ឋលេខាធិការក្រសួងធនធានទឹក និងឧតុនិយម និងក្រុមការងារជំនាញ ចុះពិនិត្យមើលទឹកនៅតំបន់វារីអគ្គីសនីតាតៃ ឃុំតាតៃ ស្រុកកោះកុង និងតំបន់វារីអគ្គីសនីឫស្សីជ្រុំ ឃុំឫស្សីជ្រុំ ស្រុកថ្មបាំង ដោយមានការចូលរួមជាមួយមន្រ្តីពាក់ព័ន្ធជុំវិញខេត្តជាច្រើននាក់ទៀត។
លោកជំទាវអភិបាល បានជម្រាបជូនឯកឧត្តមអនុរដ្ឋលេខាធិការ អំពីស្ថានភាពទឹក នៅតំបន់វារីអគ្គីសនីតាតៃ ឃុំតាតៃ ស្រុកកោះកុង និងតំបន់វារីអគ្គីសនីឫស្សីជ្រុំ ឃុំឫស្សីជ្រុំ ស្រុកថ្មបាំង ពិតជាមានការរីងស្ងួត ដោយសារតែរដូវប្រាំង មានរយៈពេលវែង និងមិនមានភ្លៀងកក់ខែ បណ្តាលអោយមានផលប៉ះពាល់ ដល់ការផ្គត់ផ្គង់អគ្គិសនីផងដែរ៕ រតនា
ប្រភព៖ រដ្ឋបាលខេត្តកោះកុង
