រដ្ឋបាលខេត្តបន្ទាយមានជ័យ រៀបចំពិធីសំណេះសំណាលជាមួយសមាជិកព្រឹទ្ធសភាប្រចាំភូមិភាគទី៤
ពិធីសំណេះសំណាលរបស់ក្រុមសមាជិកព្រឹទ្ធសភាប្រចាំភូមិភាគទី៤ ជាមួយអាជ្ញាធរមូលដ្ឋានក្នុងខេត្តបន្ទាយមានជ័យក្រោមអធិបតីភាព ឯកឧត្តម ប៉ុល លឹម ប្រធានក្រុមសមាជិកព្រឹទ្ធសភាប្រចាំភូមិភាគទី៤ នាព្រឹកថ្ងៃព្រហស្បតិ៍ ០៩កើត ខែផល្គុន ឆ្នាំច សំរិទ្ធស័ក ព.ស២៥៦២ ត្រូវនឹងថ្ងៃទី១៤ ខែមីនា ឆ្នាំ២០១៩ ។
គួរបញ្ជាក់ផងដែលថាកម្មវិធីសំណេះសំណាលនេះមានគោលបំណងដើម្បីស្វែងយល់អំពីការអនុវត្តតួនាទីភារកិច្ចរបស់ក្រុមប្រឹក្សាឃុំ សង្កាត់ ផ្លាស់ប្តូរទស្សនៈ គំនិតយោបល់ និងចែករំលែកបទពិសោធន៍ ដើម្បីស្វែងយល់ ក្រេបជញ្ជក់ និងចម្រាញ់យកនូវពុទ្ធិចំណុចគន្លឹះសំខាន់ៗ សម្រាប់យកទៅអនុវត្តនៅមូលដ្ឋានរៀងៗខ្លួនឱ្យទទួលបាននូវភាពជោគជ័យ។ ពិធីនេះប្រព្រឹត្តទៅនៅក្នុងសាលប្រជុំធំសាលាខេត្ត ៕ មុនីរម្យ
ប្រភព៖ រដ្ឋបាលខេត្តបន្ទាយមានជ័យ
