ព្រឹកថ្ងៃព្រហស្បតិ៍០៩កើត ខែផល្គុន ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី ១៤ ខែមីនាឆ្នាំ២០១៩ ឯកឧត្ដម អ៊ុន ចាន់ដា អភិបាលខេត្តព្រះវិហារ និងឯកឧត្តម គឹម សេតារ៉ា ប្រធានអាជ្ញាធរជាតិព្រះវិហារបានដឹកនាំក្រុមការងារចុះពិនិត្យទីតាំងដែលគ្រោងនឹងរៀបចំកម្មវិធីអបអរសាទរបុណ្យចូលឆ្នាំថ្មីប្រពៃណីខ្មែរនាពេលខាងមុខឆាប់ឆាប់នេះ នៅបរិវេណប្រាសាទកោះកេរស្ថិតក្នុងឃុំស្រយង់ស្រុកគូលែនខេត្តព្រះវិហារ។
ឯកឧត្តមអភិបាលខេត្ត បានមានប្រសាសន៍ក្នុងឱកាសចុះពិនិត្យទីតាំងនោះថា ដើម្បីអភិរក្សថែរក្សា វប្បធម៌ ប្រពៃណី ដ៏ផូរផង់របស់ដូនតាខ្មែរ យេីងឲ្យបានគង់វង្ស រដ្ឋបាលខេត្តព្រះវិហារ សហការជាមួយអាជ្ញាធរជាតិព្រះវិហារ សហភាពសហព័ន្ធយុវជនកម្ពុជាខេត្តព្រះវិហារ រួមគ្នាបង្កើតឲ្យមានព្រឹត្តិការណ៍ធំ ដេីម្បីអបអរសាទរ ពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំកុរ ឯកស័ក ព.ស ២៥៦៣ នោះកម្មវិធីដោយប្រសិទ្ធនាមថា "ព្រះវិហារសង្ក្រាន្តកោះកេរ" ដែលនឹងត្រូវប្រារព្ឋឡើងបរិវេណរមណីដ្ឋានប្រាសាទកោះកេរ នៅក្នុងឃុំស្រយង់ ស្រុកគូលែន ខេត្តព្រះវិហារ ៕ មុនីរម្យ
ប្រភព៖ រដ្ឋបាលខេត្តព្រះវិហារ
