មន្ទីរអប់រំយុវជន និងកីឡាខេត្តព្រះសីហនុ រៀបចំបើកការប្រកួតកីឡាសិស្ស បឋមសិក្សា និងមធ្យមសិក្សាជ្រើសរើសជើងឯកទូទាំងខេត្តប្រចាំឆ្នាំ២០១៨- ២០២៩ នៅសាលាសកលវិទ្យាល័យជីវិត ស្ថិតក្នុងសង្កាត់លេខ២ ក្រុងព្រះ សីហនុ ក្រោមអធិបតីលោកស្រី ហៀក ហ៊ីមុល្លី អភិបាលរងខេត្តព្រះសីហនុ នៅព្រឹកថ្ងៃអង្គារ ៧កើត ខែផល្គុន ឆ្នាំច សំរឺទ្ធិស័ក ព.ស ២៥៦២ ត្រូវនឹងថ្ងៃទី ១២ ខែមីនា ឆ្នាំ២០១៩ ។
លោកស្រី ហៀក ហ៊ីមុល្លី អភិបាលរង ខេត្ដ មានប្រសាសន៍បើកការប្រកួតកីឡាសិស្សបឋមសិក្សា មធ្យមសិក្សាជ្រើសរើសជើងឯកប្រចាំឆ្នាំ២០១៨-២០១៩ថា វិស័យអប់រំកាយ និងកីឡា មានសន្ទុះ កើនឡើងទាំងបរិមាណ និងគុណភាពគួរជាទីចាប់អារម្មណ៍ដល់អ្នកស្នេហាវិស័យកីឡាជាតិ និងអន្តរជាតិនាពេលបច្ចុប្បន្ន ។ វិស័យកីឡា នាំមកសុខុមាលភាពផ្លូវកាយ ផ្លូវចិត្ត ផ្លូវបញ្ញារបស់សិស្សានុសិស្ស និងប្រជាពលរដ្ឋ ។ ការចូលរួមលេងកីឡានាំមកនូវសុខភាព មិត្តភាព និងការផ្លាស់ប្តូរនូវបទពិសោធន៍ពីគ្នា ទៅវិញទៅមក និងសូំឱ្យជៀសឆ្ងាយពីគ្រឿងញៀន ៕មុនីរម្យ
ប្រភព៖ រដ្ឋបាលខេត្តព្រះសីហនុ