ព្រឹកថ្ងៃ ច័ន្ទ ៦កើត ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី ១១ ខែមីនា ឆ្នាំ ២០១៩ រដ្ឋបាលខេត្តកែប មានរៀបចំពិធីបើកសន្និបាតបូកសរុបលទ្ធផលការងារប្រចាំឆ្នាំ២០១៨ និងលេីកទិសដៅការងារសម្រាប់អនុវត្តឆ្នាំ២០១៩ ក្រោមអធិបតីភាពឯកឧត្តម សំ សារីន ប្រធានក្រុមប្រឹក្សាខេត្ត និងឯកឧត្ដម កែន សត្ថា អភិបាល នៃគណៈអភិបាលខេត្ត ព្រមទាំងមានការអញ្ជើញចូលរួមពីសំណាក ឯកឧត្តម លោកជំទាវ សមាជិក សមាជិកាក្រុមប្រឹក្សាខេត្ត អភិបាលរងខេត្ត លោក លោកស្រីប្រធានមន្ទីរ អង្គភាពជុំវិញខេត្ត មន្រ្តីរាជការសាលាខេត្ត មន្ទីរ ក្រុង ស្រុក ឃុំ សង្កាត់ និងអ្នកពាក់ព័ន្ធសរុបប្រមាណ ៤០៧ នាក់៕
ក្រៅអំពីការថ្លែងសុន្ទរកថាបើកប្រកបដោយអត្ថន័យហើយនោះ ឯកឧត្តមអភិបាល បានសង្កត់ធ្ងន់ថាថ្វីបើក្នុងឆ្នាំ២០១៨នេះ រដ្ឋបាលខេត្តយើងទទួលបានលទ្ធផលល្អប្រសើរច្រើនហើយក្តី ក៏យើងត្រូវខិតខំទ្វេដងថែមទៀតសំដៅបំរើផលប្រយោជន៍ប្រជាពលរដ្ឋនៅមូលដ្ឋាន ។ ជាមួយនេះ ក៏ត្រូវខិតខំអភិវឌ្ឍន៍ស្ថាប័នរាជការរបស់ខ្លួនរបស់មានសមត្ថភាពសមស្របទទួលយកការវិមជ្ឈការការងារពីថ្នាក់ជាតិមកថ្នាក់មូលដ្ឋាន ៕ មុនីរម្យ
ប្រភព៖ រដ្ឋបាលខេត្តកែប
