នាព្រឹកថ្ងៃព្រហស្បតិ៍ ២កើត ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី ០៧ ខែមីនា ឆ្នាំ២០១៩ នៅសាលប្រជុំសាលាខេត្ត ឯកឧត្តម វ៉ី សំណាង អភិបាល នៃគណៈអភិបាលខេត្តកំពង់ស្ពឺ បានអញ្ជើញជួបពិភាក្សាការងារស្ដីពី ការអនុវត្តផែនការយុទ្ធសាស្ត្រគណនេយ្យភាពសង្គម (ISAF) ជាមួយអង្គការទស្សនពិភពលោកអន្តរជាតិ(WVI)។
គោលបំណងសំខាន់នៃកិច្ចពិភាក្សានេះគឺចង់ឲ្យអ្នកចូលរួមបានដឹងពីសមិទ្ធិផលការងារសម្រេចក្នុងឆ្នាំ២០១៨ និងផែនការអនុវត្តបន្ត ឆ្នាំ២០១៩ តាមរយៈការអនុវត្ត ដោយអង្គការទស្សនពិភពលោក និងយល់ដឹងបន្ថែមទៀត ពីការអនុវត្តផែនការគណនេយ្យសង្គម ព្រមទាំងតួនាទីភារកិច្ច រវាងតួអង្គពីរគឺ៖ ផ្នែកផ្គត់ផ្គង់ និងផ្នែកតម្រូវការ។ មួយវិញទៀត គឺចង់បង្កើតភាពស្និតស្នាល និងការទំនាក់ទំនង រវាងអង្គការទស្សនពិភពលោកអន្តរជាតិ ជាមួយ រដ្ឋបាលខេត្ត និងមន្ទីរពាក់ព័ន្ធដើម្បីដើម្បីស្វែងរកការគាំទ្រក្នុងការអនុវត្តគម្រោងគណនេយ្យភាពសង្គមនៅខេត្តកំពង់ស្ពឺ៕ រតនា
ប្រភព៖ រដ្ឋបាលខេត្តកំពង់ស្ពឺ