https://www.interior.gov.kh/report/detail/2088
លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញជាអធិបតី ក្នុងសន្និបាតបូកសរុបសភាពការណ៍លទ្ធផលកិច្ចប្រតិបត្តិការឆ្នាំ២០១៨ របស់ស្នងការដ្ឋាននគរបាលខេត្តកោះកុង និងផ្សព្វផ្សាយទិសដៅការងារឆ្នាំ២០១៩ របស់អគ្គស្នងការនគរបាលជាតិ នៅស្នងការដ្ឋាននគរបាលខេត្តកោះកុង នាថ្ងៃពុធ ១ កើត ខែផល្គុន ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី៦ ខែមីនា ឆ្នាំ២០១៩។
លោកជំទាវអភិបាលខេត្ត សូមចូលរួមអបអរសាទរ ចំពោះលទ្ធផលកិច្ចប្រតិបត្តិការការងារ របស់ស្នងការនគរបាល សម្រាប់ឆ្នាំ២០១៨ ដែលបានជួយថែរក្សាសុខសុវត្ថិភាព សណ្តាប់ធ្នាប់សាធារណៈ ជូនប្រជាពលរដ្ឋទូទាំងខេត្ត ជាពិសេសបូរណភាពទឹកដី តាមបណ្តោយព្រំដែនកម្ពុជា ក្នុងនាមប្រធានគណៈបញ្ជាការឯកភាពរដ្ឋបាលខេត្ត សូមគាំទ្រយ៉ាងពេញទំហឹង ចំពោះទិសដៅការងារអនុវត្តបន្ត ឆ្នាំ២០១៩ ក្នុងការចូលរួមថែរក្សាសុខសុវត្ថិភាព សម្រាប់ប្រជាពលរដ្ឋ ក្នុងទូទាំងខេត្ត៕ រតនា
ប្រភព៖ រដ្ឋបាលខេត្តកោះកុង
ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។