រសៀលថ្ងៃអង្គារ ១៤រោច ខែមាឃ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី៥ ខែមីនា ឆ្នាំ២០១៩
ឯកឧត្តម កែន សត្ថា អភិបាលនៃគណៈអភិបាលខេត្ត បានអញ្ជើញជាអធិបតីកិច្ចប្រជុំគណៈអភិបាលខេត្តបើកទូលាយ ដោយបានការអញ្ជើញចូលរួមពីលោក លោកស្រីអភិបាលរងខេត្ត ប្រធានមន្ទីរ អង្គភាពជុំវិញខេត្ត នាយក នាយករងរដ្ឋបាលសាលាខេត្ត នាយក នាយិកាទីចាត់ អង្គភាព ប្រធាន អនុប្រធានការិយាល័យសាលាខេត្តចំណុះសាលាខេត្ត ដើម្បីពិនិត្យ និងកែសម្រួលលើ៖
- សេចក្តីព្រាងរបាយការណ៍បូកសរុបលទ្ធផលការងារប្រចាំខែកុម្ភះ និងទិសដៅការងារខែមីនាឆ្នាំ២០១៩ របស់រដ្ឋបាលខេត្តកែប   - សេចក្តីព្រាងឯកសារសន្និបាទបូកសរុបលទ្ធផលការងារប្រចាំឆ្នាំ២០១៨ និងទិសដៅការងារអនុវត្តបន្តឆ្នាំ២០១៩ របស់រដ្ឋបាលខេត្តកែប  - បញ្ហាផ្សេងៗ
       នៅក្នុងកិច្ចប្រជុំនេះ ឯកឧត្តមអភិបាលខេត្ត បានជំរុញណែនាំដល់លោក លោកស្រីប្រធានមន្ទីរ អង្គភាពត្រូវខិតខំអនុវត្តលើតួនាទី ភារកិច្ចរបស់ខ្លួនអោយបានល្អប្រសើរ ។ បង្កើនការផ្សព្វ
ផ្សាយ និងប្រុងប្រយ័ត្នខ្ពស់លើបញ្ហាភ្លើងឆេះព្រៃ ជាពិសេសឧទ្យានជាតិកែប ។ ខិតខំអនុវត្តអោយបានល្អប្រសើរនៅការផ្តល់សេវាសាធារណៈជូនបងប្អូនប្រជាពលរដ្ឋ ជៀសវាងមានការថ្នាំងថ្នាក់ពីសំណាក់ប្រជាពលរដ្ឋលើបញ្ហាណាមួយដោយយើងពុំបានដឹង ដោយបង្កើនការចូលរួមដោះស្រាយបញ្ហាផ្សេងៗជូនប្រជាពលរដ្ឋនៅគ្រប់មូលដ្ឋាន ៕មុនីរម្យ

ប្រភព៖ រដ្ឋបាលខេត្តកែប