អាជ្ញាធរខេត្តកោះកុង ចុះពិនិត្យទីតាំងធ្វើផ្លូវ និងរៀបចំដីបែងចែក ជូនប្រជាពលរដ្ឋ៥៨៥គ្រួសារ នៅស្រុកស្រែអំបិល
លោក អន ភារៈ អភិបាលរងខេត្តកោះកុង ជាមួយក្រុមវិស្វកម្ម អមដំណើរដោយប្រធានមន្ទីរអភិវឌ្ឍជនបទ ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី បានចុះពិនិត្យទីតាំងធ្វើផ្លូវប្រវែង ៤០គីឡូម៉ែត្រ ដើម្បីបែងចែកដី ជូនប្រជាពលរដ្ឋ ៥៨៥គ្រួសារ ដែលមានការពាក់ព័ន្ធ ជាមួយក្រុមហ៊ុនចំការអំពៅ នៅឃុំជីខលើ ស្រុកស្រែអំបិល នាថ្ងៃចន្ទ ១៣ រោច ខែមាឃ ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី៤ ខែមីនា ឆ្នាំ២០១៩។
លោកអភិបាលរងខេត្ត សូមអោយក្រុមវិស្វកម្ម ដោយមានលោកប្រធានមន្ទីរអភិវឌ្ឍជនបទ ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ធ្វើការសម្របសម្រួលការងារអោយបានរលូន ជាមួយអ្នកពាក់ព័ន្ធ ដើម្បីអោយការកសាងផ្លូវប្រវែង ៤០គីឡូម៉ែត្រ ឆាប់បានរួចរាល់ ដើម្បីបែងចែកដី ជូនប្រជាពលរដ្ឋ ទាំង៥៨៥គ្រួសារ៕ រតនា
ប្រភព៖ រដ្ឋបាលខេត្តកោះកុង
