ឯកឧត្តមបណ្ឌិតថោង ខុន រដ្ឋមន្រ្តី ក្រសួងទេសចរណ៍ និង ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង នាព្រឹកថ្ងៃទី២ ខែមិនា ឆ្នាំ២០១៩នេះ បានដឹកនាំប្រជុំគណៈកម្មការ អន្តរក្រសួង ដើម្បីត្រួតពិនិត្យអំពីវឌ្ឍនភាពនៃដំណើរការរៀបចំបុណ្យទន្លេលើកទី៥ដែលប្រព្រឹត្តទៅនៅថ្ងៃទី១៥-១៧ ខែមីនា ឆ្នាំ២០១៩ នៅខេត្តកំពង់ឆ្នាំង។

      សូមបញ្ជាក់ថា ពិធីបុណ្យទន្លេ លើកទី៥ នៅខេត្តកំពង់ឆ្នាំង គ្រោងនឹងរៀបចំធ្វើរយៈពេល៣ថ្ងៃ ដោយមានព្រឹត្តិការណ៍និងសកម្មភាព កីឡា ទេសចរណ៍ វប្បធម៌ជាច្រើនដូចជា ការប្រកួតកីឡាលើទឹក លើគោក ពិធីដាំដើមឈើ ការរៀបចំសិក្ខាសាលា ការតាំងពិព័រណ៍ កសិទេសចរណ៍និងផលិតផលខ្មែរ ពិព័រណ៍សិប្បកម្ម ពាណិជ្ជកម្ម មហោស្រពម្ហូបអាហារ និង ភេសជ្ជៈ ការប្រគំតន្ត្រី ការសម្តែងសិល្បៈវប្បធម៌ និង សកម្មភាពផ្សេងៗទៀតជាច្រើន៕មុនីរម្យ ប្រភព៖ រដ្ឋបាលខេត្តកំពង់ឆ្នាំង