នៅព្រឹកថ្ងៃព្រហស្បតិ៍ ៩រោចខែមាឃឆ្នាំច សំរឹទ្ធស័ក ពុទ្ធសករាជ ២៥៦២ ត្រូវនឹងថ្ងៃទី២៨ ខែកុម្ភៈឆ្នាំ២០១៩ ឯកឧត្តម ជាវ តាយ អភិបាលនៃគណៈអភិបាលខេត្តកំពត អមដំណើរដោយអស់លោក អភិបាលរងខេត្ត ថ្នាក់ដឹកនាំ មន្ទីរ អង្គភាព មួយចំនួនជុំវិញខេត្ត បានអញ្ជើញចុះពិនិត្យស្វែងយល់លើការងាររៀបចំដាក់បង្គោលនិងអំពូលភ្លើង ដែលមានលក្ខណៈស្តង់ដារបម្រើដល់ការប្រកួតក្នុងវិស័យកីឡាបាលទាត់ និងសិក្សាបន្តលើគម្រោងដើម្បីអភិវឌ្ឍន៍បន្ថែមមួយចំនួនទៀតនៅក្នុងទីលានមណ្ឌល កីឡាដ្ឋានខេត្តកំពតនេះ។

      សូមបញ្ជាក់ថា៖ វិស័យកីឡានៅក្នុងខេត្តកំពតបច្ចុប្បន្ននេះ មានការវិវត្តន៍រីកចម្រើនគួរអោយកត់ សម្គាល់លើសក្តានុពលកីឡាករជម្រើសខេត្តក៏ដូចស្រទាប់មជ្ឈដ្ឋានមហាជនមប្រជាជន ក្រោមគោលនយោបាយរបស់រាជរដ្ឋាភិបាលកម្ពុជាដឹកនាំដោយសម្តេចតេជោ ហ៊ុន សែន នាយករដ្ឋមន្ត្រី។

      ក្នុងនោះក៏មានការជ្រោមជ្រែងជួយឧបត្ថម្ភគាំទ្រជំរុញលើកទឹកចិត្តពីរដ្ឋបាលខេត្តនិងសប្បុរសជននានាផងដែរ។ ពិសេសការជម្រុញលើទឹកចិត្តដល់អាជ្ញធរខេត្តក៏កីឡាករក្នុងស្រយទាប់យុវជន យុវនារី ពីសំណាក់ ឯកឧត្ដមឧត្ដមសេនីយ៍ឯក ហ៊ុន ម៉ាណែត អគ្គមេបញ្ជាការ រងកងយោធលខេមរភូមិន្ទ និងជាមេបញ្ជាការកងទ័ពជើងគោក ព្រមទាំងមានការជ្រោមជ្រែង ពីឯកឧត្តម ឧត្ដម សេនីយ៍ឯក សៅ សុខា អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស និងជាប្រធានសហព័ន្ធកីឡាបាល់ទាត់កម្ពុជាដែលបានផ្ដល់នូវបង្គោលនិងបំពាក់អំពូលភ្លើងមានលក្ខណៈស្តង់ដារមានតម្លៃប្រមាណ៤០ម៉ឺនដុល្លាសម្រាប់បម្រើដល់ការប្រកួតបាល់ទាត់ និងនៅចំពោះមុខដ៏ខ្លីនេះដែរ រដ្ឋបាលខេត្តនឹងមានគម្រោងអភិវឌ្ឍន៍បន្តទៀត ដោយត្រៀមរៀបចំដាក់កៅអីសម្រាប់ទទួលទស្សនិកជនចូលទស្សនាផងដែរ៕ រតនា

ប្រភព៖ រដ្ឋបាលខេត្តកំពត