អភិបាលរងខេត្តកែប ប្រគល់ថវិកាដល់ក្រុមគ្រួសារអតីតមន្រ្តីសាលាក្រុងកែបដែលបានទទួលមរណៈភាព
នៅព្រឹកថ្ងៃពុធ ៨រោច ខែមាឃ ឆ្នាំច សំរឹទ្ធស័ក ព.ស ២៥៦២ ត្រូវនឹង ថ្ងៃទី២៧ ខែកុម្ភៈ ឆ្នាំ២០១៩នេះ នៅសាលាខេត្តកែប លោក សោម ពិសិដ្ឋ អភិបាលរងខេត្តកែប បានប្រគល់ថវិកាសមាគមន៍មន្រ្តីរាជការស៊ីវិល ក្រសួងមហាផ្ទៃ ជូនលោកស្រី ស្រ៊េង ស៊ាងម៉ុន ភរិយាលោក ផាត់ ផានី អតីតមន្រ្តីសាលាក្រុងកែប ដែលត្រូវបានទទួលមរណៈភាពកាលពីថ្ងៃ១៩ ខែសីហា ឆ្នាំ២០១៨។ លោកបានផ្តាំផ្ញើដល់លោកស្រីត្រូវថែរក្សាសុខភាពអោយបានល្អដើម្បីជាម្លប់ដល់កូនចៅទាំងអស់គ្នាបានយូរអង្វែងព្រោះពេលនេះកូនចៅត្រូវបាត់បង់ឪពុក ជីតាមួយរូបទៅហើយ៕អែមមី
ប្រភពៈ រដ្ឋបាលខេត្តកែប
