នៅស្នងការដ្ឋាននគរបាលខេត្តកំពង់ឆ្នាំង លោក វុធ អភិបាលរងខេត្តកំពង់ឆ្នាំង បានអញ្ជើញចូលរួមក្នុងកិច្ចប្រជុំផ្សព្វផ្សាយផែនការ ការពារសន្តិសុខសុវត្ថិភាព សណ្តាប់សង្គម និងការប្រើប្រាស់ផ្លូវវាងក្រុង ក្នុងឱកាស ប្រារព្ធពិធីបុណ្យទន្លេ លើកទី៥ នៅខេត្តកំពង់ឆ្នាំង ដែលនឹងប្រព្រឹត្តទៅរយៈពេល៣ថ្ងៃគឺថ្ងៃទី១៥-១៧ ខែមីនា ឆ្នាំ ២០១៩ នាព្រឹកថ្ងៃពុធ ៨រោច ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី ២៧ ខែកុម្ភៈ ឆ្នាំ២០១៩។
កិច្ចប្រជុំផ្សព្វផ្សាយនេះ ដំណើរការក្រោមអធិបតីភាពឯកឧត្ដម ឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ និងជាប្រធាននាយកដ្ឋានកណ្តាលសន្តិសុខ ឯកឧត្តម នាយឧត្តមសេនីយ៍ ទូច ណារ៉ុថ អគ្គស្នងការរងនគរបាលជាតិ។
ដោយមានការអញ្ជើញចូលរួមពីក្រុមការងារ អគ្គស្នងការដ្ឋាននគរបាលជាតិ លោកស្នងការដែលមានព្រំប្រទល់ជាប់ខេត្ត លោកស្នងការ ស្នងការរង នាយ-នាយរងការិយាល័យ អធិការនគរបាលក្រុង ស្រុក មន្ទីរអង្គភាពពាក់ព័ន្ធ និងម្ទាស់រថយន្តដឹកជញ្ជូន ក្នុងខេត្តសរុបអ្នកចូលរួមមានចំនួន ១៤៦ នាក់៕ រតនា
ប្រភព៖ រដ្ឋបាលខេត្តកំពង់ឆ្នាំង
