អភិបាលខេត្តកំពត អនុញ្ញាតឱ្យប្រតិភូអ្នកវិនិយោគិនមកពីប្រទេសជប៉ុន ចូលជួបពិភាក្សាការងារ
នាព្រឹកថ្ងៃពុធ ៨រោច ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៧ ខែកុម្ភ: ឆ្នាំ២០១៩ ឯកឧត្តម ជាវ តាយ អភិបាលនៃគណៈអភិបាលខេត្តកំពត បានអនុញ្ញាតឱ្យប្រតិភូអ្នកវិនិយោគិនមកពីប្រទេសជប៉ុន ព្រមទាំងសហការី ចូលជួបពិភាក្សាការងារ នៅសាលប្រជុំរបស់សាលាខេត្ត។
គោលបំណង នៃកិច្ចជំនួបនេះ គឺផ្តោតលើគម្រោងវិនិយោគសំណង់បឹងកាឡូលំដាប់ផ្កាយ លើទំហំដី ៤ហិកតា នៅភូមិត្រើយកោះខាងលិច សង្កាត់ត្រើយកោះ ក្រុងកំពត។
ឯកឧត្តមអភិបាលខេត្ត បានគាំទ្រលើគម្រោងនេះ ព្រោះនៅពេលខាងមុខ ខេត្តកំពត និងមានការអភិវឌ្ឍន៍ និងចង់ឃើញគម្រោងនេះអនុវត្តឲ្យបានឆាប់ៗ ដើម្បីបម្រើសេចក្តីត្រូវការផ្នែកវិស័យទេសចរណ៍ក្នុងខេត្ត។
ជាចុងក្រោយ ប្រធានគណ:ប្រតិភូជប៉ុន បានចូលរួមឧបត្ថម្ភថវិកា ដើម្បីទ្រទ្រង់សកម្មភាពរបស់កាកបាទក្រហមខេត្ត ចំនួន ១០០០ដុល្លាអាមេរិកផងដែរ៕មុនីរម្យ
ប្រភព៖ រដ្ឋបាលខេត្តកំពត
