នៅឆ្នេរលេងទឹកខេត្តកែប នាព្រឹកថ្ងៃពុធ ៨រោច ខែមាឃ ឆ្នាំច សំរឹទ្ធស័ក ព.ស ២៥៦២ ត្រូវនឹង ថ្ងៃទី២៧ ខែកុម្ភៈ ឆ្នាំ២០១៩នេះ រដ្ឋបាលខេត្តកែប បានប្រារព្ធពិធីអបអរសាទរទិវាជាតិទីក្រុងស្អាតលើកទី៧ ឆ្នាំ២០១៩ ក្រោមប្រធានបទ ទីក្រុងស្អាត ទីក្រុងផ្ដល់ភាពកក់ក្ដៅ ក្រោមអធិបតីភាព ឯកឧត្ដម កែន សត្ថា អភិបាល នៃគណៈអភិបាលខេត្តកែប និងឯកឧត្ដម សំ សារីន ប្រធានក្រុមប្រឹក្សាខេត្តកែប ដោយមានការអញ្ជើញចូលរួមពីសំណាក់ឯកឧត្តម លោកជំទាវសមាជិក សមាជិកាក្រុមប្រឹក្សាខេត្ត អភិបាលរងខេត្ត ប្រធានមន្ទីរ អង្គភាព មន្រ្តីរាជការ សិក្សានុសិស្ស យុវជន យុវនារីអាជីវករ សេវាករ ជាច្រើនកុះករ។
ក្នុងពិធីនេះផងដែរ ឯកឧត្ដម អភិបាលខេត្ត ក៏បានអានសារលិខិតដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ជូនដល់អង្គពិធីទាំងមូលបានជ្រាប និងចូលរួមអនុវត្ត៕
ប្រភព៖ រដ្ឋបាលខេត្តកែប
