នៅសាលប្រជុំសាលាខេត្តពោធិ៍សាត់ បានរៀបចំសន្និបាតបូកសរុបលទ្ធផលការងារប្រចាំឆ្នាំ២០១៨ និងលេីកទិសដៅការងារសម្រាប់អនុវត្តឆ្នាំ២០១៩ របស់រដ្ឋបាលខេត្តពោធិ៍សាត់ ក្រោមអធិបតីភាព ឯកឧត្តម ឈុន សុង ប្រធានក្រុមប្រឹក្សាខេត្ត និងឯកឧត្តម ម៉ៅ ធនិន អភិបាល នៃគណៈអភិបាលខេត្ត ដោយមានការចូលរួមពីឯកឧត្តម លោកជំទាវ ទីប្រឹក្សាក្រសួងមហាផ្ទៃ សមាជិកក្រុមប្រឹក្សាខេត្ត គណ:អភិបាលខេត្ត កងកម្លាំងប្រដាប់អាវុធទាំងបីប្រភេទ លោក លោកស្រីប្រធានមន្ទីរ អង្គភាពជុំវិញខេត្ត ក្រុមប្រឹក្សាក្រុង ស្រុក គណៈអភិបាលក្រុង ស្រុក លោក លោកស្រីជាមេឃុំ ចៅសង្កាត់ សរុប ២៤០ រូប ។
ជាមួយគ្នាផងដែរអង្គសន្និបាត នាថ្ងៃទី២៦ ខែកុម្ភៈ ឆ្នាំ២០១៩ ក៏បានលេីកឡេីងបទអន្តរាគមន៍ ចំនួន ០៨ចំណុច សំខាន់ៗដូចខាងក្រោម៖
- ស្នងការដ្ឋាននគរបាលខេត្ត៖ វិធានការបង្ការពង្រឹងច្បាប់ចរាចរណ៍ផ្លូវគោក
-មន្ទីរកសិកម្ម៖ វិធានការទប់ស្កាត់ការបង្ក្រាបបទល្មេីសនេសាទ និងព្រៃឈេីខុសច្បាប់
-មន្ទីរបរិស្ថាន៖ វិធានការទប់ស្កាត់ការរុករានទន្ទ្រានយកដីរដ្ឋខុសច្បាប់ ក្នុងតំបន់ការពារធនធានធម្មជាតិ
-មន្ទីរធនធានទឹក និងឧតុនិយម៖ ការគ្រប់គ្រងទឹក និងសហគមន៍កសិករប្រេីប្រាស់ទឹក
-មន្ទីរកិច្ចការនារី ៖ កិច្ចអន្តរាគមន៍ទប់ស្កាត់អំពេីហិង្សាក្នុងគ្រួសារ និងការរំលោភសេពសន្ថវៈ
-មន្ទីររៀបចំដែនដីនគរូបនីយកម្ម សំណង់និងសុរិយោដី ៖ វឌ្ឍនៈភាព នៃការដោះស្រាយវិវាទដីធ្លីនៅក្រៅប្រព័ន្ធតុលាការ និងការចុះបញ្ជីដីធ្លីលក្ខណៈជាប្រព័ន្ធ
-សាលាក្រុងពោធិ៍សាត់៖ ការងារប្រលងប្រណាំងទីក្រុងស្អាត។
ពាក់ពន្ធ័ប្រធានបទអន្តរាគមន៍ទាំងប្រាំបីខាងលេី ឯកឧត្តម ម៉ៅ ធនិន អភិបាល នៃគណៈអភិបាលខេត្ត បានលេីកឡេីងថា ប្រធានទាំងនោះជាបច្ច័យ និងជាមូលដ្ឋានក្នុងការលេីកទិសដៅសម្រាប់អនុវត្តន៌ការងារ២០១៩ បន្តរបស់រដ្ឋបាលខេត្តពោធិ៍សាត់៕មុនីរម្យ
ប្រភព៖ រដ្ឋបាលខេត្តពោធិ៍សាត់