ឯកឧត្តមបណ្ឌិត ជាម ច័ន្ទសោភ័ណ អញ្ជើញជាអធិបតីក្នុងពិធីកាត់ខ្សែបូសម្ពោធរោងស្គរ និងផ្លូវក្រាលគ្រួសក្រហម១ខ្សែ ក្នុងវត្តសំរោងបុរី ហៅវត្តសំរោង ក្នុងឃុំមង់រៀវ ស្រុកត្បូងឃ្មុំ ខេត្តត្បូងឃ្មុំ ដែលសមិទ្ធផលទាំងនេះក្រោមការជួយឧបត្ថម្ភពី ឯកឧត្តម ឧបនាយករដ្ឋមន្ត្រី ជា សុផារ៉ា និងឯកឧត្តម ទេព ធន ប្រធានក្រុមការងារចុះជួយឃុំមង់រៀវ ឃុំជប់ និងឃុំជីគរ ព្រមទាំងសប្បុរសជនជិតឆ្ងាយ។
ឯកឧត្តមអភិបាលខេត្ត ថ្លែងសូមឲ្យប្រជាពលរដ្ឋជឿទុកចិត្តលើរាជរដ្ឋាភិបាលកម្ពុជា ដែលមានសម្តេចតេជោ ជាប្រមុខដឹកនាំ ដើម្បីបន្តកសាងវិស័យពុទ្ធចក្រ និងអាណាចក្រ អោយកាន់តែរីកច្រើនជាបន្តទៀត។ ក្នុងឳកាសនោះដែរ ឯកឧត្តមបណ្ឌិត ជាម ច័ន្ទសោភ័ណ មានសទ្ធាជ្រះថ្លា ចូលបច្ច័យកសាងវត្ត និងទុកប្រើប្រាស់ទូទៅបំរើអោយវិស័យព្រះពុទ្ធសាសនា ក្នុងទីអារាមនេះ នូវថវិកាចំនួន២០លាន រៀល និងសម្ភារមួយចំនួនទៀត ដែលពិធីនេះធ្វើឡើងនៅថ្ងៃចន្ទ ៦ រោច ខែមាឃ ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី២៥ ខែកុម្ភៈ ឆ្នាំ២០១៩៕ អែមមី
ប្រភពៈ រដ្ឋបាលខេត្តត្បូងឃ្មុំ