ឯកឧត្តម យន្ត មីន អភិបាល នៃគណៈអភិបាលខេត្តព្រះសីហនុ បើកកិច្ចប្រជុំពិសេសដើម្បីពិភាក្សាបញ្ហាជួសជុលកែលម្អផ្លូវ និងលូជាច្រើនខ្សែក្នុងក្រុងព្រះសីហនុ អោយមានភាពល្អប្រសើរឡើងវិញ។ ក្នុងនោះផ្លូវខ្លះគ្រោងពង្រីកបន្ថែមផងដែរ។ ចំពោះមុខនេះរដ្ឋបាលខេត្តព្រះសីហនុ គ្រោងនឹងធ្វើលូនិងផ្លូវ៤០០ ទទឹង១៣ម ប្រវែង ១,៣៥០ម (ផ្លូវក្រោយផ្ទះសម្តេចតេជោ)និងប្រព័ន្ធហេដ្ឋារចនាសម្ព័ន្ធដោយតម្រូវអោយមានការចូលរួមបដិភាគពីអ្នកមានដីមានផ្ទះនៅតាមដងផ្លូវក្នុងតំបន់នេះ។           តាមអនុសាសន៍អភិបាលខេត្ត កិច្ចការនេះប្រគល់អោយមន្ទីរសាធារណៈការជាអ្នកធ្វើ ហើយគ្រោងនឹងចាប់ផ្តើមនៅដើមខែមីនា ឆ្នាំ២០១៩ខាងមុខនេះ។ បើតាមអភិបាលខេត្តព្រះសីហនុ ផ្លូវជាច្រើនខ្សែរ(២២គម្រោង)គ្រោងនឹងជួសជុលកែលម្អឡើងវិញតាមគម្រោងអទិភាពនិងទំហំថវិកាដើម្បីឆ្លើយតបទៅនឹងតម្រូវការជាក់ស្តែង។ កិច្ចប្រជុំនេះធ្វើឡើងថ្ងៃសៅរ៍ ៤ រោច ខែមាឃ ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី២៣ ខែកុម្ភៈ ឆ្នាំ២០១៩៕អែមមី

ប្រភពៈខេត្តព្រះសីហនុ