ស្នងការដ្ឋាននគរបាលខេត្តសៀមរាប បានបើកកិច្ចប្រជុំត្រៀមរៀបចំផែនការការពារ សន្តិសុខ សណ្តាប់ធ្នាប់ ក្នុងឱកាសអន្តរកិច្ចប្រជុំរដ្ឋមន្ត្រីលើកទី៧ ស្ដីពីកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ RCEP ក្រោមអធិបតីភាព លោក ង៉ាន់ ភិរុណ អភិបាលរង នៃគណៈអភិបាលខេត្តសៀមរាប និងឯកឧត្តម វ៉េង សុធី រដ្ឋលេខាធិការក្រសួងពាណិជ្ជកម្ម និងជាប្រធានអនុគណៈកម្មាធិការសន្តិសុខ សណ្តាប់ធ្នាប់ និងសុខាភិបាល និងមានការចូលរួមពីតំណាងបញ្ជាការដ្ឋានអង្គរក្ស ស្នងការរងនគរបាលខេត្ត កងកម្លាំងប្រដាប់អាវុធគ្រប់ប្រភេទ និងអ្នកពាក់ព័ន្ធនានា សរុបចំនួន ៣៤នាក់ នាថ្ងៃសុក្រ ៣រោច ខែមាឃ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២២ ខែកុម្ភៈ ឆ្នាំ២០១៩។         កិច្ចប្រជុំនេះផ្ដោតសំខាន់លើការងារផែនការការពារ សន្តិសុខ សណ្តាប់ធ្នាប់ របៀបរៀបរយ និងកិច្ចសហប្រតិបត្តិការគ្នាឲ្យបានល្អ ជូនគណៈរដ្ឋមន្ត្រីទាំងអស់ដែលនឹងអញ្ជើញមកចូលរួមអន្តរកិច្ចប្រជុំរដ្ឋមន្ត្រីលើកទី៧ ស្ដីពីកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ RCEP នាថ្ងៃទី០១-០២ ខែមីនា ឆ្នាំ២០១៩ ខាងមុខនេះ៕អែមមី

ប្រភពៈរដ្ឋបាលខេត្តសៀមរាប