នាព្រឹកថ្ងៃសុក្រ ៣រោច ខែមាឃ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ២២ ខែកុម្ភៈ ឆ្នាំ២០១៩ ឯកឧត្តម វ៉ី សំណាង អភិបាល នៃគណៈអភិបាលខេត្តកំពង់ស្ពឺ និងជាប្រធានកិត្តិយសសាខាខេត្តកំពង់ស្ពឺ និងសហការី បានអញ្ជើញចុះសួរសុខទុក្ខ និងនាំយកអំណោយមនុស្សធម៌របស់កាកបាទក្រហមកម្ពុជា ផ្តល់ជូនដល់ស្ត្រីសម្រាកសម្រាលកូន ចំនួន ៩គ្រួសារ និងចាស់ជរាគ្មានទីពឹង ចំនួន ៦គ្រួសារ ស្ថិតនៅឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។

      ក្នុងឱកាសនោះដែរ ឯកឧត្តម បានពាំនាំនូវប្រសាសន៍ផ្តាំផ្ញើសាកសួរសុខទុក្ខនិងក្តីនឹករលឹកពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលជានិច្ចកាលសម្តេចតែតែងគិតគូរពីសុខទុក្ខរបស់បងប្អូនប្រជាពលរដ្ឋក្រីក្រ ដែលមានទុក្ខលំបាកជនរងគ្រោះ ជនងាយរងគ្រោះ គ្រប់ប្រភេទដោយមិនប្រកាន់រើសអើងវណ្ណៈ ជាតិសាសន៍ ពណ៌សម្បុរ ឬនិន្នាការនយោបាយអ្វីឡើយ។

      អំណោយផ្តល់ជូនស្ត្រីសម្រាលចំនួន៩គ្រួសាររួមមាន ៖ អង្ក ២៥គីឡូក្រាម មី ១កេស ត្រីខ ១យួរ ទឹកត្រីទឹកស៉ីអ៉ីវ ១យួរ នំធុង ១ធុង ប្រេងឆារ ១ដប ឃីតទារក ១ឈុត និងថវិកាចំនួន ៥ម៉ឺនរៀល។

     ដោយឡែកសម្រាប់ប្រជាពលរដ្ឋទីទ័លក្ររួមមាន ៖ អង្ករ ២៥គីឡូក្រាម មី១កេស ត្រីខ ១០កំប៉ុង ប្រេងឆា ១ដប ទឹកត្រីទឹកស៊ីអ៊ីវ ១យួរ នំធុង១ធុង ទឹកដោះគោ ១កំប៉ុង សារ៉ុង ១ ក្រម៉ា ១ និងថវិកាចំនួន ៥ម៉ឺនរៀលផងដែរ៕មុនីរម្យ

ប្រភព៖ រដ្ឋបាលខេត្តកំពង់ស្ពឺ