នាព្រឹកថ្ងៃសុក្រ ០៣រោច ខែមាឃ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២២ ខែកុម្ភៈ ឆ្នាំ ២០១៩នេះ នៅសាលប្រជុំនន្ទី អគារខ សាលាខេត្តស្វាយរៀង មានរៀបចំកិច្ចប្រជុំវិសាមញ្ញលើកទី១២ អាណត្តិទី២ របស់ក្រុមប្រឹក្សាខេត្តស្វាយរៀង ក្រោមអធិបតីភាពឯកឧត្តម ជុំ ហាត ប្រធានក្រុមប្រឹក្សាខេត្ត និងមានការអញ្ជើញចូលរួមពីលោក រស់ ផារិទ្ធ អភិបាលរងខេត្ត តំណាងឯកឧត្តម ម៉ែន វិបុល អភិបាលនៃគណៈអភិបាលខេត្តស្វាយរៀង ឯកឧត្តម លោកជំទាវសមាជិក សមាជិកាក្រុមប្រឹក្សាខេត្ត លោកនាយករដ្ឋបាលសាលាខេត្តស្ដីទី លោក លោកស្រីប្រធានមន្ទីរពាក់ព័ន្ធ លោក លោកស្រីនាយក នាយករងទីចាត់ការ/អង្គភាព និងប្រធានការិយាល័យសាលាខេត្ត ។

       របៀបវារៈនៃកិច្ចប្រជុំនាព្រឹកនេះមានដូចខាងក្រោម ៖

១.ការពិនិត្យអនុម័តលើសេចក្តីព្រាងប្រតិទិនសម្រាប់ការរៀបចំ និងកសាងផែនការអភិវឌ្ឍន៍រយៈពេលប្រាំឆ្នាំ (២០២០-២០២៤) និងកម្មវិធីវិនិយោគបីឆ្នាំរំកិល (២០២០-២០២២)។

២.ការពិនិត្យអនុម័តលើសេចក្ដីព្រាងផែនការសកម្មភាព និងថវិកា ផអ៣ ឆ្នាំ២០១៩ របស់រដ្ឋបាលខេត្ត ។

៣.ការអនុម័តពិនិត្យលើសេចក្ដីព្រាងផែនការសកម្មភាព និងថវិកាប្រចាំឆ្នាំ២០១៩ របស់ការិយាល័យប្រជាពលរដ្ឋ ខេត្តស្វាយរៀង។

៤.សេចក្តីផ្សេងៗ ៕មុនីរម្យ

ប្រភព៖ រដ្ឋបាលខេត្តស្វាយរៀង