https://www.interior.gov.kh/report/detail/1910
លោកជំទាវ មិថុនា ភូថង អភិបាលនៃគណៈអភិបាលខេត្តកោះកុង និងជាប្រធានគណ:កម្មាធិការសាខាកាកបាទក្រហមខេត្ត បានអញ្ជើញជាអធិបតីក្នុងពិធីផ្សព្វផ្សាយអំពីប្រវត្តិចលនាកាកបាទក្រហម អឌ្ឍចន្ទក្រហម និងបំពាក់កន្សែងជូនយុវជនកាកបាទក្រហមចំនួន ១៦៤ នាក់ នៅស្រុកស្រែអំបិល និងស្រុកបូទុមសាគរ ខេត្តកោះកុង កាលពីថ្ងៃព្រហស្បតិ៍ ២រោច ខែមាឃ ឆ្នាំច សំរឹទ្ធិស័ក ពស២៥៦២ ត្រូវនឹងថ្ងៃទី២១ ខែកុម្ភៈ ឆ្នាំ២០១៩នេះ។
នៅក្នុងឱកាសនោះ លោកជំទាវប្រធានគណ:កម្មាធិការសាខាបានលើកឡើងអំពីគោលបំណង ដើម្បីអោយប្អូនៗបានដឹងអំពីប្រវត្តិគោលការណ៍គ្រឹះចលនាអន្តរជាតិកាកបាទក្រហម អឌ្ឍចន្ទក្រហម តួនាទីរបស់យុវជនកាកបាទក្រហម ជាមួយគ្នានោះដែរប្អូនៗត្រូវខិតខំ៖
-រៀនសូត្រអោយក្លាយជាកូនល្អ សិស្សល្អ មិត្តល្អ
-ជៀសអោយឆ្ងាយពីគ្រឿងញៀន។ -គោរពច្បាប់ចរាចរអោយជាប់ជួន
-ចូលរួមថែរក្សាអនាម័យ និងសំអាតនៅសាលា និងតាមកន្លែងផ្សេងៗ -ជួយកិច្ចការផ្ទះ បន្ទាប់ពីការសិក្សា រៀនសូត្រ៕អែមមី
ប្រភពៈ រដ្ឋបាលខេត្តកោះកុង
ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។