នៅសាលប្រជុំសាលាខេត្តពោធិ៍សាត់ រដ្ឋបាលខេត្តពោធិ៍សាត់បានរៀបចំកិច្ចប្រជុំគណៈបញ្ជាការឯកភាពខេត្ត ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ម៉ៅ ធនិន អភិបាល នៃគណៈអភិបាលខេត្ត ដែលមានការចូលរួមពី ឯកឧត្តម លោកជំទាវអភិបាលរងខេត្ត កងម្លាំងប្រដាប់អាវុធទាំង៣ ប្រភេទ លោក លោកស្រីប្រធានមន្ទីរអង្គភាពជុំវិញខេត្ត និងមន្រ្តីរាជការរចនាសម្ព័នសាលាខេត្តផងដែរ កាលពីថ្ងៃពុធ ១រោច ខែមាឃ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២០ ខែកុម្ភៈ ឆ្នាំ២០១៩។

      កិច្ចប្រជុំនេះ ធ្វើឡើងដើម្បីត្រួតពិនិត្យការអនុវត្តន៍ការងារសន្តិសុខសណ្តាប់ធ្នាប់ ការការពារធនធានធម្មជាតិ ភូមិឃុំមានសុវត្ថិភាព។ ក្រោយពីបានស្តាប់សេចក្តីរាយការណ៍ពីលទ្ធផលការងារដែលបានអនុវត្តន៍មួយខែកន្លងមកដោយ លោកមេបញ្ជាការទាំងបី លោក លោកស្រីប្រធានមន្ទីរ អង្គភាពជំនាញជុំវិញខេត្តរួចមក ឯកឧត្តម អភិបាលខេត្តបានដាក់វិធានការបន្តដូចខាងក្រោម៖ ១.បន្តពង្រឹងការងារសន្តិសុខ សណ្តាប់ធ្នាប់ ២.មន្ទីរកសិកម្ម មន្ទីរបរិស្ថាន រដ្ឋបាលជលផល រដ្ឋបាលព្រៃឈើ ទប់ស្កាត់ បង្រ្កាបអោយបានរាល់ការកាប់ទន្រ្ទានដីធ្វើកម្មសិទ្ធិដោយខុសច្បាប់ ៣.ឆ្លៀតក្នុងឱកាសនោះដែរ ឯកឧត្តម អភិបាលខេត្ត ក៏បានអំពាវនាវគ្រប់អង្គភាពត្រៀមសហការរក្សាទឹកទុកប្រើប្រាស់ និងបរិភោគ ព្រមទាំងត្រៀមសហការលើការងារជំរឿនទូទាំងប្រទេសផងដែរ៕អែមមី

ប្រភពៈ រដ្ឋបាលខេត្តពោធិ៍សាត់