អភិបាលខេត្តត្បូងឃ្មុំ អញ្ជើញចូលរួមពិធីចាប់ត្រីបែបធម្មជាតិនៅបឹងក្រម ស្រុកមេមត់
February 11, 2019 អ្នកទស្សនា :

       ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តត្បូងឃ្មុំ និងលោកជំទាវ ព្រមទាំងថ្នាក់ដឹកនាំគ្រប់លំដាប់ថ្នាក់ក្នុងខេត្ត បានអញ្ជើញចូលរួមជាមួយ ប្រជាពលរដ្ឋមកពីទីជិតឆ្ងាយយ៉ាងច្រើនកុះករ ជួបជុំចុះចាប់ត្រី និងចំអិនបរិភោគជុំគ្នាយ៉ាងសប្បាយរីករាយ ក្នុងពិធីចាប់ត្រីបែបធម្មជាតិ នៅបឹងក្រម ក្នុងស្រុកមេមត់ ខេត្តត្បូងឃ្មុំ នាថ្ងៃអាទិត្យ ៦កើត ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១០ ខែកុម្ភៈ ឆ្នាំ២០១៩នេះ ដែលសង្កេតឃើញថា មានអ្នកចូលរួម ច្រើនជាងឆ្នាំកន្លងទៅ។

       ឯកឧត្តមបណ្ឌិត ជាម ច័ន្ទសោភ័ណ បញ្ជាក់ថា ក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ប្រទេសជាតិមានសុខសន្តិភាពពេញលេញ ទើបយើងមានឳកាសប្រារព្ធពិធីនេះឡើង ព្រមទាំងបានសប្បាយរីករាយជួបជុំគ្នានាពេលនេះ។ ឯកឧត្តមបណ្ឌិត ជាម ច័ន្ទសោភ័ណ ក៍បង្ហាញពីគម្រោងរៀបចំព្រៃលិចទឹកបន្ថែម និងលែងត្រីបន្ថែមទៀត ដើ​ម្បីឲ្យកន្លែងនេះសំបូរត្រី នៅពេលដែលដល់រដូវបងប្អូនប្រជាពលរដ្ឋ មកលេងកំសាន្ដចាប់ជុំគ្នាឆ្នាំក្រោយ។ ឯកឧត្តមបណ្ឌិត អភិបាលខេត្ត ក៍បានសន្យាថានឹង មកចូលរួមព្រឹត្តិការណ៍ចាប់ត្រី ដែលផ្សាភ្ជាប់រវាងអាជ្ញាធរខេត្ត និងប្រជាពលរដ្ឋ បានរីករាយជួបជុំគ្នានេះ ជារៀងរាល់ឆ្នាំផងដែរ។ សូមបញ្ជាក់ថា ពីធីចាប់ត្រីបែបធម្មជាតិនេះ ត្រូវបានរៀបចំឡើងជាយូរលង់ណាស់មកហើយ ដែលដូនតាបានបន្សល់ទុក គឺឲ្យតែដល់រដូវប្រាំងដាច់ទឹកភ្លៀង បងប្អូនប្រជាពលរដ្ឋ តែងតែនាំគ្នា ប្រារព្ធពិធីចុះចាប់ត្រី តាមបែបធម្មជាតិ៕ អែមមី ប្រភពៈរដ្ឋបាលខេត្តត្បូងឃ្មុំ

ព័ត៌មានទាក់ទង
ច្បាប់នឹងឯកសារថ្មីៗ
MINISTRY OF INTERIOR

ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។

ទាញយកកម្មវិធី ក្រសួងមហាផ្ទៃ​ទៅ​ក្នុង​ទូរស័ព្ទអ្នក
App Store  Play Store
023721905 023726052 023721190
#275 ផ្លូវព្រះនរោត្តម, ក្រុងភ្នំពេញ
ឆ្នាំ២០១៧ © រក្សាសិទ្ធិគ្រប់យ៉ាងដោយ ក្រសួងមហាផ្ទៃ