ថ្ងៃទី១៨ ខែកញ្ញា ឆ្នាំ២០១៧ ឯកឧត្តម ជា សុមេធី អភិបាលខេត្តព្រៃវែង និងឯកឧត្តម សុខ ណោ ព្រមទាំងមន្ត្រីរាជការ បានអញ្ជើញចូលរួមពិធីបុណ្យកាន់បិណ្ឌវេនទី១៣ រួមគ្នាជាមួយ ឯកឧត្តម លោកជំទាវ លោក លោកស្រី និងប្រជាពលរដ្ឋ នៅវត្តអង្គប្រជុំ ឃុំថ្មពូន ស្រុកកញ្រ្ជៀច បាននិមន្តព្រះសង្ឃ មកបង្សុកូល ដាឆ្លងជាកិច្ចបង្ហើយបុណ្យ និងឧទ្ទិកុសល្យ ជូនវិញ្ញាណក្ខ័ន្ឋ លោកតា លោកយាយ ព្រមទាំងវិញ្ញាណក្ខ័ន្ឋបុព្វការីជន និងញាតិការទាំង៧សណ្តាន ដែលបានចែកឋានទៅកាន់បរលោក ។ ឯកឧត្តម អភិបាលខេត្ត សូមថ្លែងអំណរគុណចំពោះ ឯកឧត្តម លោកជំទាវ លោក លោកស្រី ទាំងអស់ ដែលបានចូលរួមជាថវិកា និងសំភារៈ ផ្ទាល់ខ្លួន និងសូម ឧទិ្ទសកុសល្យផលបុណ្យ ជូនដល់ ឯកឧត្តម លោកជំទាវ លោក លោកស្រី និងប្រជាពលរដ្ឋក្នុងខេត្តព្រៃវែងទាំងអស់ ទទួលបានមគ្គផល ដូចៗគ្នា។ ប្រភពព័ត៌មាន:រដ្ឋបាលខេត្តព្រៃវែង ( ថ្ងៃទី ១៨ ខែកញ្ញា ឆ្នាំ២០១៧)
