ឯកឧត្តម ជា សុមេធី អភិបាលខេត្តព្រៃវែង និងលោកជំទាវ ព្រមទាំង ឯកឧត្តម ស សុខា រដ្ឋលេខាធិការក្រសួងអប់រំ យុវជន និងកីឡា និងជាអនុប្រធានសហភាពសហព័ន្ធ យុវជនកម្ពុជា និងឯកឧត្តម ខៀវ ភារិទ្ធ តំណាងរាស្ត្រមណ្ឌលខេត្តព្រៃវែង បានអញ្ជើញជាគណៈអធិបតីភាព ក្នុងកម្មវិធីយុទ្ធនាការបរិច្ចាគឈាម ក្រោមប្រធានបទ"គ្រាប់ឈាម នៃក្តីស្រលាញ់" នាថ្ងៃអាទិត្យ ៦កើត ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១០ ខែកុម្ភៈ ឆ្នាំ២០១៩ ។ ក្នុងឱកាសនេះដែរ ក៏មានការចូលរួមពីឯកឧត្តម លោកជំទាវ អភិបាលរងខេត្ត លោក លោកស្រីប្រធានមន្ទីរ ជុំវិញខេត្ត និងកងកម្លាំងទាំងបី អភិបាលក្រុង/ស្រុក និងបងប្អូនគ្រួសារសយយកទាំងអស់។
គោលបំណងនៃយុទ្ធនាការបរិច្ចាគឈាមនេះ គឺជាការចូលរួមចំណែកមួយក្នុងការជួយមនុស្ស(អ្នកជម្ងឺខ្វះឈាម)ឱ្យមានជីវិតរស់នៅដោយសុខសាន្ត និងជួយសង្គម៕មុនីរម្យ
ប្រភព៖រដ្ឋបាលខេត្តព្រៃវែង