នៅរសៀលថ្ងៃពុធ ២កើត ខែមាឃ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៦ ខែកុម្ភៈ ឆ្នាំ២០១៩ នៅបន្ទប់ប្រជុំលេខ ១ សាលាខេត្តសៀមរាប មានបើកកិច្ចប្រជុំសាមញ្ញលើកទី៥៥ របស់គណៈកម្មាធិការពិគ្រោះយោបល់កិច្ចការស្ដ្រី និងកុមារ(គ.ក.ស.ក) ខេត្តសៀមរាប ដែលដឹកនាំដោយ លោកស្រី ស៊ិន ណម សមាជិកាក្រុមប្រឹក្សាខេត្ត និងជាប្រធានគណៈកម្មាធិការពិគ្រោះយោបល់កិច្ចការស្ដ្រី និងកុមារខេត្ត និងលោកស្រី យូ សុភា អភិបាលរង នៃគណៈអភិបាលខេត្តសៀមរាប និងជាតំណាង ឯកឧត្តម ទៀ សីហា អភិបាល នៃគណៈអភិបាលខេត្តសៀមរាប សមាជិក សមាជិកា ក្រុមប្រឹក្សាខេត្ត នាយករងរដ្ឋបាលខេត្ត លោក លោកស្រីនាយក នាយករងទីចាត់ការចំណុះរដ្ឋបាលខេត្តសៀមរាប លោក លោកស្រី ប្រធាន អនុប្រធាន មន្ទីរ-អង្គភាព លោក លោកស្រី អភិបាល អភិបាលរងក្រុង-ស្រុក លោកស្រីតំណាងអង្គការមិនមែនរដ្ឋាភិបាល និងអ្នកពាក់ព័ន្ធដ៏ទៃទៀត សរុបមានចំនួន ២២នាក់ ស្រី១៤នាក់។
កិច្ចប្រជុំនេះផ្ដោតលើរបៀបវារៈមួយចំនួនដូចខាងក្រោម ÷
១-ពិនិត្យ និងអនុម័តលើសេចក្ដីព្រាងកំណត់ហេតុប្រជុំសាមញ្ញលើកទី៥៤ អាណត្តិទី២ កាលពីថ្ងៃទី០៣ ខែមករា ឆ្នាំ២០១៩។
២-របាយការណ៍លទ្ធផលរបស់ គ.ក.ស.ក ខេត្តប្រចាំខែមករា ឆ្នាំ២០១៩។
៣-របាយការណ៍ស្ថានភាពស្ត្រី យុវវ័យ កុមារ និងជនងាយរងគ្រោះ តាមវិស័យពាក់ព័ន្ធ មានដូចជា វិស័យអប់រំ សុខភាព អនាម័យ សន្តិសុខស្បៀង សង្គមកិច្ច ពលកម្មកុមារ សមភាពយេនឌ័រ និងសន្តិសុខសណ្ដាប់ធ្នាប់ប្រចាំខែមករា ឆ្នាំ២០១៩ និងពិភាក្សាលើបញ្ហាពាក់ព័ន្ធផ្សេងៗ៕មុនីរម្យ
ប្រភព៖រដ្ឋបាលខេត្តសៀមរាប
